Hibru 9:25 - Buka Blahi Ka Cheke Holo

²⁵ Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.

Hibru 9:25 ပူးပေါင်းရင်းမြစ်များ

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Hibru 10:19

Uve, kheraguro, naugna ka dadaragna mae Kraes teke thofa ka glehegna mana ia, tahati au noda nolaghi te mala ruma ka chogho te blahi fara ke ulugna God igne.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.