Hibru 9:23 - Buka Blahi Ka Cheke Holo

²³ Uve, glepo mala fafara igre jateula thotoghaledi eghu glepo te au kligna igre. Glepo igre nabadi te fuafusa dadara mala gae ke ulugna God. Nu glepo te au kligna gre nabadi kaisei fafara biꞌo ke tulaodi fafara te edi pari igre.

Hibru 9:23 ပူးပေါင်းရင်းမြစ်များ

Hibru 10:4

Naugna te laseni tahati na, u dadara buluka ba nanigot na theo kaisei nolaghi te mala atha fadelei nakhibodi naiknore.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Hibru 8:5

Nodi gloku hatimare mae pris gre jateula u thotoghale gna eghu kolho eigna unha te eni kligna na. Tahati laseni igne, naugna kate magnahaghei hohoro mae Moses suga tapuale igne, God neke cheke faheta eghu ka mana, “Filo sagho! Iara magnahaghe nigho te hohoro gobigna lepore leghuni unha teke falalase ka iagho ka thogele ia.”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Kolose 2:17

Glepo igre jateula thotoghale eghu kolho eigna thofno glepo tutuani nate thoke mei thogheiro. Nu thofno glepo te tutuani na mae Kraes ngala.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Hibru 10:1

Nogna vetula mae Moses igne theome thofno cheke thakleni glepo te tuani na nu jateula thotoghale eghu kolho eigna glepo te keli nate thakle mei ginauna. Naugna igne nafnata fafara te eni koba leuleghu finogha theome naba te faklinodi iheire te mei pogho soru ka God re.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Mae Khuru 23:15

Eghume igne unha te magnahagheni ghehati te mala eni ghotilo na: Fatei kaisei nonomho ka mae funei biꞌodi mae armi ra mala hata meini mae Pol ka ghotilo. Cheke ka mana ghotilo magnahaghei te famane ghusnani mae Pol keha glepo eigna mana. Ghehati na ofou mala faleheni kate mei mana agne na.”