Hibru 9:22 - Buka Blahi Ka Cheke Holo

²² Tuani fara, te mala leghuni vetula na, teke fuafusa mare dadara na thogra glepo te gnafare te mala gae ke ulugna God. Te theome thofa dadara na, God ginauna theome atha fadelei nakhibodi naiknore.

Hibru 9:22 ပူးပေါင်းရင်းမြစ်များ

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Levitikas 6:7

Ka puhi igne, pris ginauna fafara mala atha koko nakhibodi naiknore, eghuteuna iara ginauna atha koko nakhibogna mae igne maladi thua nakhibo teke edi mana te nabagna te mala papara eidi mana re.”

Levitikas 4:35

Mae tuana ginauna atha fadelei garofagna sipu igne, jateula teke atha fadelei mare garofagna sipu na ka fafara tuana mala laseni mare te au fakeli balugu iara na. Aonu pris igne mala gahu garofa igre ke kligna olta, mala kaisei nogu glepo blahi iara Lord. Ka puhi igne, pris tangomana te fafara te mala doglo mae igne ka tathagu iara na, eghuteuna iara ginauna atha fadelei nakhibogna mana re.”

Levitikas 5:18

Kate laseni mana nogna najafra na, mana atha mei ka mae pris kaisei sipu nalhaꞌugna te theo kaisei thona ka thinigna na, eghuteuna praes gna sipu igne nabagna fafara mala poloru. Ka puhi igne, mae pris igne ginauna fafara mala atha koko nakhibo teke theome laseni teke eni mae igne. Eghuteuna iara ginauna atha koko nakhibogna mae igne.

Levitikas 14:14

Mana mala atha keha dadara gna sipu ikoi igne, eghuteuna mana mala fa bothu ka vido te pila fei khuli nhetagna mae igne, nei ka geghesu biꞌo fei khame nheta, nei ka geghesu biꞌo fei ghahe nheta gna mana.

Levitikas 14:6

Pris ginauna atha keha nanghaji te karha teuna balu gaju nei gnarho nei grege hisop tuare. Eghuteuna lisei lao gobigna lepo igre ka dadara tuana,

Levitikas 5:10

Eghuteuna mae pris ginauna atha keha nanghaji na mala gahu fafara leghuni unha te chekeni ka vetula na. Ka puhi igne, mae pris tangomana te fafara te mala atha koko nakhibo gna mae igne eghuteuna iara ginauna atha fadelei nakhibogna mana na.

Levitikas 4:26

Eghuteuna mana gahu fahui garofagna re ka olta na jateula teke gahu mare fafara tuana te mala laseni te au fakeli balugu iara na. Ka puhi tuana, pris tangomana te fafara te mala doglo mae lida igne ka tathagu iara na, eghuteuna iara ginauna atha fadeleidi nakhibogna mana re.”

Levitikas 4:20

Mana eni ka buluka nalhaꞌugna igne jateula teke eni mana ka buluka nalhaꞌugna teke fafara te mala doglo thegna ka tathagu iara Lord na ia eghu. Ka puhi igne mae pris atha fadelei nakhibomi ghotilo re, eghuteuna iara ginauna jaola tangomana te atha fadeleidi nakhibomi ghotilo re.

Levitikas 14:25

Mana mala aknu falehe sipu malagna fafara poloru igne eghuteuna mana mala atha keha dadara gna, nei fa bothu lao ka vido phiapila khuli fei nheta gna mae tuana, nei ka geghesu biꞌo fei khame nheta, nei ka geghesu biꞌo fei ghahe nheta gna mana.

Levitikas 5:12

Mana mala atha mei flaoa igne ka mae pris, eghuteuna mae pris na aghu haghe katha ka khamegna na eghuteuna gahu vido flaoa igne ke kligna olta ke klignadi glepo blahi teke atha teke mei ka Lord. Mana eni igne mala laseni mae igne atha mei flaoa igre ka iara. Igne fafara te mala doglo mana ka tathagu iara na.

Levitikas 5:11

“Nu jame mana kuma fara, eghuteuna mana theome tangomana te atha te mei phei balhu ba phei sua thukmu, te eghuna mana tangomana te atha kaisei kilo ka famane flaoa mala fafara. Nu blahi te mala tofa oliv oel tagna na ba lilisei insens balugna naugna igne kaisei fafara mala ke doglo mana ka tathagu iara na.

Profet Esikiel 43:18

Lord God ne cheke eghu ka iara, “Maegna ka nauthoglu. Iagho fanomho ka nogu cheke iara Lord God igne: Kate loku te gnafa mare olta na, mare ginauna hata mei fafara te gahu te thofno krono fara, eghuteuna iagho ginauna toatofa dadaradi fafara ke kligna gna.