Hibru 9:2 - Buka Blahi Ka Cheke Holo

² Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Hibru 9:2 ပူးပေါင်းရင်းမြစ်များ

Eksodas 40:4

Iagho atha Tevo te mala lilisei Bret Blahi igne mala nanhaꞌa ke demei gna pohe igne, eghuteuna nanhaꞌa glepo gnare balugna. Eghuteuna iagho atha mei thaba mala nanhaꞌa juta na, eghuteuna nanhaꞌa haghe juta igre tagna.

Eksodas 26:35

Eghuteuna iagho lisei lao Tevo malagna Bret Blahi na, eghuteuna Thaba te mala lilisei gna juta ke lamnagna Chogho Blahi. Tevo malagna Bret Blahi igne au ke raru eghuteuna Thaba malagna juta na au ke mata ke lamna gna Chogho Blahi.

Eksodas 40:2

“Ka narane ulu lahu, ka nhigra ulu lahu gna keha finogha na, iagho ginauna fakegra haghe Suga Tapuale te Blahi mala Thafo ghau iara na.

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.

Eksodas 29:35

“Igne u vetula te mala leghuni iagho kate taofi pris di iagho mae Eron nei mae thugna mana re teuna. Iagho eni igne nabagna fitu narane, thofno leghuni unha te chekeni iara ka iagho igne.

Eksodas 29:1

Lord ne cheke eghu ka mae Moses, “Igne unha nate eni iagho kate taofidi mae Eron nei thugna manare teu te mala loku mare nogna gloku mae pris na ranghi ghau iara. Iagho mala atha kaisei sua buluka nalhaꞌugna nei phei sipu nalhaꞌudi te theo kaisei thona ka thinidire.

Eksodas 25:23

Lord ne cheke eghu ka mae Moses, “Ghotilo ginauna horo kaisei tevo ka thaba gaju akesia. Brahugna na thokeni nheva salei sentemita, eghuteuna krepagna na thokeni phiatutu glima sentemita, eghuteuna haghegna na thokeni namnosalei fitu sentemita.

Eksodas 25:30

Eghuteuna ghotilo lilisei ka tevo igne Bret Blahi te mala fagaglana gna te au iara balumi ghotilo na, bret igne ginauna au fabrahu ke ulugna vido te au iara na.”

Eksodas 25:31

Lord ne cheke eghu, “Ghotilo atha famane gol mala horo keha thaba mala lilisei juta. Eghuteuna ghotilo tutu gol igne mala ei pesigna nei khegragna eghu. Kapu mala lilisei juta oel ke kligna gna, ghotilo edi kapu igre mala jateula flaoa eghu, eghuteuna thinigna te gnafa mala kaisei vido gol kolho.

Eksodas 26:1

Lord ne cheke eghu ke mae Moses, “Iagho ginauna eni kaisei nogu Suga Tapuale te Blahi iara ka nabotho vido famane pohe brahu te vegha. Iagho valakasi ka ghajo blu, nei ghajo ngonge, nei ghajo ukru. Eghuteuna mae ihei te lase eni gloku igne, mana mala susuki kaisei thotoghale engel ka vido pohe igre.

Matiu 5:15

Jame kaisei mae fakasa juta, mana theome tangomana te lilisei ke pari khara'o na, theo. Nu mana na lilisei haghe kligna, mala kafe phae ka iheire te au kau suga na.

Matiu 12:4

Kau narane tuana mae pris na neke snakreni mae Devet neke ruma ka Sugablahi na neke hata bret teke fafara ka God na neke ghamu baludi mae kheragnare. Igne thono blahi fara ka vetula nogna mae Moses, hatimare mae pris kolho tangomana te ima na nafnata bret tuana. Eghuteuna God neke theome diꞌatagna ka mae Devet.

Hibru 9:25

Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.