Hibru 9:19 - Buka Blahi Ka Cheke Holo

¹⁹ Ulu lahu na, mae Moses ne kulu rurutha ranghidi naiknore u vetula te gnafa igre. Aonu mana hata khakla sipu te ukru na ne haru ka grege gaju te kiloi “Hisop” ne fabobothu ka dadaradi buluka nei nanigot tela ngigno foduhi ka khoꞌu. Aonu mana ne fuafusa ke kligna gna u buka gna vetula na, eghuteuna ke fuafusa la ke klignadi naiknore.

Hibru 9:19 ပူးပေါင်းရင်းမြစ်များ

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Naba 19:18

Eghuteuna mae te klino ka tathagu iara na, mana ginauna atha khakla gna gaju hisop, eghuteuna fa boubothu ka khoꞌu mala fuafusa ka suga tapuale na baludi keha glepo te au lamna re nei ka naikno teu te au jare re. Mana jaola mala fuafusa ka mae iheire teke habo ka nhubradi naikno te lehe, ba ka beku, ba ka thinigna mae te lehe na, naugna mana ne theome klino.

Naba 19:6

Aonu mae pris Eleasa ginau atha kaisei khodo ka gaju sida, nei kaisei grege gaju hisop, nei kaisei gnarho ukru te ikoi, eghuteuna koko lao thilo glepo igre ka khaꞌaghi na.

Hibru 10:4

Naugna te laseni tahati na, u dadara buluka ba nanigot na theo kaisei nolaghi te mala atha fadelei nakhibodi naiknore.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Jone 19:5

Aonu, mae Jisas ne jifla mei ne kegra ke uludi mare balugna khepi fifiriulu na, nei nogna phoko ukru mae king. Mae Paelat ne cheke eghu ka mae Jiu gre, “Filoi ghotilo! Igne mana na!”

Jone 19:2

Ke leghugna igne, mae soldiare ne lolhopo kaisei khepi fifiriulu ne nhaꞌa lao ka pha'ugna mae Jisas na. Eghuteuna, mare ne fapoko lao kaisei nogna phoko ukru king ka mana mala maꞌeni mana.

Nonomho Te Keli Teke Risoi Mae Mak 15:20

Ke leghugna te maꞌeni mana na, mae soldiare ne salo koko phoko ukru na ka mana, eghuteuna ke falao nogna phoko thegna re. Aonu mare ne tathalei fajiflani mana ka suga biꞌo na hata ne tei mala tupijuruni kau gaju fafatha.

Nonomho Te Keli Teke Risoi Mae Mak 15:17

Mare ne fapoko lao kaisei phoko ukru ka mae Jisas. Aonu, mare ne horo kaisei khepi fifiriulu ne lilisei lao ka pha'ugna mae Jisas na.

Matiu 27:28

Mare hata koko nogna phoko mana na neke nhaꞌa lao kaisei phoko ukru ka mana mala tithini mae King.

Profet Isaia 52:15

Nu gognarona naiknodi ka kantri te gnafa igre ginauna jaglo nodi fara ka mana, eghuteuna hatimare mae king ginauna iho cheke ke ulugna mana. Naugna mare neke theome nomhini eigna mae igne, eghuteuna mare ginauna nomhi fakelidi unha glepo teke theome nomhidi mare tifare.”

Levitikas 3:6

“Jame kaisei mae ka ghotilo magnahaghei te atha sipu ba nanigot mala fafara ka iara Lord mala laseni mana te au fakeli balugu iara na, mana tangomana te atha te mei kaisei nalhaꞌugna ba gaꞌasegna te theo kaisei thona ka thinigna na.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Eksodas 12:22

Totofa soru dadara gna na ka dis biꞌo eghuteuna atha kaisei grege ikoi ka gaju hisop mala nhaꞌa lao ka dadara te au ka dis na. Eghuteuna ghiha katha vido dadara ka phei phile grengatha re nei jaola ke kligna grengatha na eghu. Ghotilo mala au kolho lamna suga, thosei jifla kosi ghilei rane.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Hibru 1:1

Tifa na God neke vahidi keha mae profet mala cheke ranghidi mae ku'edara. Mana neke cheke ka mare kmana fata nei kmana nafnata puhi.

Hibru 9:13

Tifa na mare neke atha u dadara nanigot nei buluka, nei nakrofugna sua buluka teke fafara mare re. Aonu mare fuafusa ke klignadi naikno te theome gae mala klino ke ulugna God.

Hibru 9:18

Naugna igne, u nhaꞌa cheke ulu lahu teke eni God igne tutuani kolho kate tofa mare dadaradi nanigot nei buluka teke fafara na.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.