Hibru 9:14 - Buka Blahi Ka Cheke Holo

¹⁴ Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Hibru 9:14 ပူးပေါင်းရင်းမြစ်များ

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Hibru 10:2

Jame nafnata fafara igne au nolaghi mala fagagae nakhibodi naiknore kaisei fata ngala meuna, mare jame theome tangomana te fafara koba na, naugna mare ginauna theome tangomana te diꞌanagnafa eidi nakhibodire.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Letas Teke Riso Tei Mae Pol Ka Khiloau Rom 11:12

Tutuani, ka nodi najafra mae Jiu gre God tusu mei kmana glepo te keli ka nauthoglu gne. Eghuteuna unha teke luvu ka mae Jiu gre God neke hata mei fablahi te keli ka iheire te theome Jiu. Eghume, kate pulo mei ka God te gnafa naiknodi Israel re, kmana glepo te keli fara tulao ginauna mei thoke ka tahati!

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Galesia 2:19

Nu iara tirogu leghuni vetula na naugna iara gognaro na thofno laseni vetula te theo kaisei nolaghi te mala fakarhi ghau iara ka nakhibo na. Eghume ka vetula na iara la lehehi.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Letas Teke Riso Tei Mae Pol Ka Khiloau Rom 11:24

God la salo fodu ghamihi ka thofno gaju oliv igne, neuba ghotilo ne jifla mei ka gaju oliv nathua kolho. Tutuani, ninhigrana fara grege gaju nathua na te salo fodu balugna thofno grege gaju na. Nu thofno bligi fara God te salo fodu fapulodi hatimare mae Jiu gre ka thofno gaju oliv, naugna mare jateula gregegna tutuani eghu thofno gaju oliv na.

Letas Teke Riso Tei Mae Pol Ka Khiloau Rom 1:20

Funu kate vuvuhagna nauthoglu igne, glepo eigna God igre neke theome kakhana ka tahati, nu tahati neke filo glanidi u tutuani nei nolaghi te fei au na ka glepo teke vuavuha mana re kolho. Eghume naugna glepo igre, naiknore theome tangomana te cheke eghu na, “Ghehati theome laseni God!”

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Levitikas 22:20

Ghotilo mala thosei fafara kaisei glepo tautagu te au kaisei glepo te thona ka thinigna na. Jame ghotilo fariuriu, iara ginauna theome gleꞌani fafara tuana.

Hibru 11:21

Mae Jekop jaola ne fatutuani ni God. Naugna igne, kate namo lehe na mana fablahidi phei thugna mae Josep. Kau narane tuana mana ne loku ka nogna khodo na ne cheke fakelini God.

Hibru 9:9

Igne kaisei thotoghale te mala laseni tahati ka unha glepo te thoke mei gognaro na. U gaoghathogna u thotoghale igne eigna u fafara nei kilo fnakno te edi mae pris ka God igre theome naba te famane fagagaeni nagnafagna naikno te mei ka God na.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Diutronomi 17:1

“Jame kaisei buluka, ba sipu, ba nanigot au thubu ka thinigna na, ghotilo thosei fafara lao ka Lord nomi God, naugna nafnata fafara igne thofno diꞌa fara ka mana.”

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Luku 12:28

Sisi te au tafri are reꞌe tangomana te au katha vido kmoꞌei kolho, eghuteuna ke leghugna igne, mare ginauna koko lao ka khaꞌaghi sisi tuare. Nu neuba reꞌe ne eghu ngau, God tusu ranghidi glepo te mala keli fara fifilodire. Eghume God na theome ghatho iho ghami ghotilo, nu mana ginauna na tusu ranghi ghami ghotilo unha te magnahagheni ghotilo na. Tore, nomi fatutuani ghotilo na ikoi fara!

Luku 12:24

Kulu filo laodi si ghotilo nanghaji are. Rehati theome nanga nodi te mala loku kaisei nagare te mala hata gano na, ba rehati theo kaisei suga la te mala tathaji gano na. Nu neuba ngau, God ngala te faghamudire. Nu ghotilo na glepo ulu fara ka tathagna God na ke tulaodi nanghaji igrei.

Matiu 12:28

Nu te loku iara ka nogna nolaghi God na te brue fajifladi naiture, igne ngala fagaglana gna u narane God te funei frunidi nogna naiknore la meihi ka ghotilo teuna.

Matiu 7:11

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume, jateula tuana eghu mae Kmami ghotilo te au kligna te mae keli fara na. Mana ginauna na tufa glepo te keli ranghini ihei te tore ka mana na.

Fapea Samuel 4:11

Eghume, kate tei phei mae te diꞌa igre te faleheni kaisei mae te doglo te thuru teu ka nogna suga na, glehedi phei mae igre ginauna thono diꞌa fara. Ka narane gognaro igne ghopa na dofi ghami ka nauthoglu igne!”

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Naba 28:11

Lord ne cheke eghu, “Ka narane ululahudi leghu nhigra re, ghotilo ginauna gahu fafara malagu iara. Ghotilo ginauna fafara phei buluka majaghani, kaisei sipu nalhaꞌugna nei fitu sipu nalhaꞌudi te kaisei finoghadi te theo thubu ka thinidire are eghu.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Diutronomi 15:21

Nu jame kaisei buluka ba kaisei sipu ba dongki diꞌa ghahegna na, ba dofu tathagna na, ba au keha nafnata khabru tagna, ghotilo thosei fafara ka Lord, nomi God.

Naba 28:3

Igre fafara blahi te mala fafara ka Lord na: Leghu rane na, ghotilo mala fafara phei sipu nalhaꞌudi te kaisei finoghadi nei theo kaisei thubu ka thinidi teu are.

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Thoutonu Eigna Mae Job 15:16

Eghume faꞌunha eghu God tangomana te ronu ghita tahati te thono diꞌa fara, eghuteuna tahati magnahaghei te koꞌuni puhi te diꞌa na.

Fapea Kings 19:16

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Naba 28:9

Lord neke cheke eghu, “Neubane gahu ghotilo fafara re leghu rane, ghotilo ginauna ke eni keha fafara na leghu narane sabat. Leuleghu narane sabat na, ghotilo ginauna fafara phei sipu nalhaꞌudi te kaisei finoghadi are, nei te theo kaisei thubu ka thinidire eghu. Ghotilo ginauna gahu phei sipu tuare balu phei kilo flaoa ka wit te famanedi teke ngingo ghotilo balugna oliv oel ia. Eghuteuna ghotilo ginauna ke fafara waen balugna fafara igne.”

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Diutronomi 31:27

Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Profet Esikiel 45:18

Lord God neke cheke eghu, “Iara Lord God te cheke eghu igne: Ka narane ululahu gna nhigra ululahu leuleghu finogha, ghotilo ginauna hata kaisei sua buluka te theo kaisei thubu ba thona ka thinigna na, mala fafara mei ka iara mala gae ka tathagu iara na nogu Sugablahi iara gne.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Ululahu Korin 15:45

Naugna u grioriso te blahi na cheke eghu, “Naikno ulu lahu na mae Adam, God neke vuavuhani mana mala karha.” Nu mae Adam leghu lahu na Tharunga mala tusu meini thofno nakarha na ka naiknore.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Hibru 7:16

God neke vahini mana mala mae pris, theome leghuni kaisei vetula eigna vike, nu mana mala mae pris ka nogna nolaghi nei nakarhagna te theo ka huigna.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Hibru 10:12

Nu mae Kraes neke eni kaisei fafara kolho te nolaghi te mala atha koko nakhibodi naiknore tifa tifa. Eghuteuna ke leghugna igne mana tei ne gnokro fei nhetagna God.

Hibru 13:12

Mae Jisas jaola neke au papara nei lehe ke kosi namono Jerusalem. Mana neke lehe mala blahi nogna naiknore ka dadaragna thegna.