Hibru 9:1 - Buka Blahi Ka Cheke Holo

¹ Kau nhaꞌa cheke ulu lahu na au kaisei vetula maladi iheire te pogho soru ka God nei kaisei vetula eigna vido te mala pogho soru ka God teke horo naikno ka nauthoglu igne.

Hibru 9:1 ပူးပေါင်းရင်းမြစ်များ

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Levitikas 18:30

Eghume ghotilo mala leghudi farirhiu igre, eghuteuna ghotilo thosei leghudi naikno te diꞌa teke kulu au ka glose nate tei te au ghotilo tagna na. Ghotilo mala thosei edi glepo nate edi ghotilo te theome klino ka tathagu iara na, naugna iara Lord, nomi God ghotilo.”

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Hibru 8:7

Jame loku fakeli nhaꞌa cheke ulu lahu igne meuna, ginauna theo kaisei nhaꞌa cheke majaghani nate mei ke leghu na.

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Profet Esikiel 43:11

Jame thofno mamaja eidi puhi te diꞌa te gnafa teke edi mare meuna, iagho ginauna cheke ranghidi eidi gobigna lepo teke ghathodi malagna Sugablahi igne teku ra, grengatha mala ruma mei, nei grengatha te mala jifla kosi, nei fafajadi re, nei vido mala lilisei glepo tagna teura. Eghuteuna iagho jaola mala toutonu ranghidi u vetula eigna te mala tarai jare na, aonu iagho rioriso soru gobigna lepo igre, mala tangomana mare te lasedi nei leghudi teu vetula igre.

Naba 9:12

Eghuteuna thosei tathaji keha gano ghilei thokeni keha narane na, nei thosei lolhopa nhubradi sipu te ghamu mare are. Kate eni mare Gaghamhu Ghasa-Polho na, mare mala leghudi vetula te gnafa re.

Hibru 8:13

Tahati laseni glepo te tiatifa na theo kaisei nogna gloku eghuteuna ginauna theome raugha dofini. God jateula tuana eghu kate eni u nhaꞌa cheke majaghani igne. Tuani fara, mana neke nhaꞌa fadelei u nhaꞌa cheke te tiatifa na jateula glepo te tiatifa ba te thona.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.