Hibru 8:9 - Buka Blahi Ka Cheke Holo

⁹ Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Hibru 8:9 ပူးပေါင်းရင်းမြစ်များ

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Galesia 4:24

Glepo igre tahati filodi jateula thotoghale eghu, eigna phei gaꞌase igre repa falalase phei nafnata nhaꞌa cheke. Kaisei nhaꞌa cheke na neke fufunu mei ka Thogele Sanai, igne Hega ihei teke fakarhani sua te mala sneka kolho na.

Nonomho Te Keli Teke Risoi Mae Mak 8:23

Mae Jisas ne loku ka khamegna mae te dofu na, ne tathalei ne tei ke kosigna namono na. Aonu mana ne kmisu ka tathagna mae te dofu na. Mana ne habo lao ka mae te dofu na ne cheke eghu ka mana, “Ba, iagho tangomana teke fifilo gognaro na?”

Mae Khuru 13:11

Eghume gognaro na Lord na fate nigho iagho, eghuteuna iagho ginauna na dofu. Katha vido iagho ginauna na theome filoni u naprai na.” Phei tathagna mae Bajisas re ghosei ne romno soru. Aonu mana ne nolo tafri fariuriu ludeni kaisei naikno mala faloku khameni tei.

Mae Khuru 9:8

Mae Sol kegra haghe ka glose na ne tothora tathagna na, nu mana theome tangomana te fifilo na neu. Aonu mae teke tei balugna mae Sol re ne faloku khameni mana ne thoke Damaskas.

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Profet Emos 5:22

Neuba ghotilo ne gahu buluka, ba sipu mala mei fafara ka iara neu, ba hata mei keha wit mala fafara ka iara neu, iara theome magnahaghedi. Te hata te mei ghotilo buluka te blokhare te fafara ka iara na, iara theome magnahaghedi kolho.

Profet Esikiel 16:59

“Iara Lord God ne cheke eghu: Jerusalem! Iara ginauna tusu ari papara biꞌo ka iagho gijagna puhimu iagho te thono diꞌa fara na, naugna iagho ne theome tajini kolho nhaꞌa cheke teke eni iara balumu iagho tifa ia.

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Famane Khoje 8:5

Ihei site mei funugna ka namono nagou, te loku khame te mei balugna kheragna na gnea? Kheraguo. Iara neke fadofra nigho ke pari gaju sisi te keli, ka vido aheva teke funu bukla idomu iagho, teke karha iagho na.

Nodi Khoje Hatimare Mae Jiu 105:43

Aonu God ne batudi nogna naiknore ne tei. Mare ne koje nei eha eghu ne tei, naugna mare ne glealeꞌa fara.

Nodi Khoje Hatimare Mae Jiu 78:57

Mare figri tagruni, nei theome ghatho tahuni eghu kolho mana. Ku'edire neke jaola tifa na, eghume theo kaisei naikno te tangomana te rouronudire.

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Thoutonu Eigna Mae Job 8:20

“Tahati laseni God na theome thododi naikno te doglo re, eghuteuna mana theome tangomana te toghodi naikno te diꞌare.

Diutronomi 29:25

“Eghuteuna naiknore ginauna cheke tughu eghu, ‘Naugna mare neke theome leghuni u nhaꞌa cheke teke eni mare balugna Lord nodi God mae kuꞌedi ra, kani teke hata fajifladi ka kantri Ijep.

Diutronomi 29:12

Gognarona ghotilo kafe kegra haghe agne mala eni nomi nhaꞌa cheke na ka Lord nomi God. Mana neke eni nhaꞌa cheke igne balumi ghotilo, eghuteuna ghotilo lasedi nogna cheke mana te thofno rheta fara igre.

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Eksodas 34:10

Lord ne cheke eghu ka Moses, “Fanomho sagho, iara gognarona nake eni nogu nhaꞌa cheke teke eni iara balumi ghotilo ia. Iara ginauna edi glepo biꞌo ke ulumi ghotilo. Glepo igre neke theome edi nekeu aheva nga ke uludi naiknore ka nauthoglu igne. Eghuteuna naikno te gnafa te au faligoho ghami ghotilo are ginauna filodi glepo biꞌo nate edi iara Lord, eghuteuna mare ginauna jaglo nodi fara nei jaola mhaghu nodi.

Jenesis 19:16

Nu mae Lot ne tirogna tei ne theome faghose jifla. Aonu phei engel gre ne loku ka khamegna mae Lot na baludi khetogna nei thugna gaꞌase teure ne jifla ka namono na, eigna Lord ne kokhoni nognadi.

Profet Isaia 41:13

Ghotilo thugu iara. Iara Lord, nomi God ghotilo! Iara au balumi ghotilo, eghuteuna iara ginauna loku famaku ka khame nhetami ghotilo re, na cheke eghu ka ghotilo, ‘Thosei mhaghu, iara ginauna togho ghami ghotilo.’

Lamentations 4:16

Lord diꞌatagna fara ne fariki raka tafridi mala tei au tafri mare delei. Mana jaola theome magnahaghei te ghatho tahudi hatimare mae pris. Eghuteuna mana theome kelitagnadi hatimare mae mala baubatu igre.

Profet Isaia 51:18

Nu theo kaisei naikno te au te mala loku ka khamemi ghotilo te mala batu ghami ghotilo na. Thono theo fara.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.