Hibru 8:8 - Buka Blahi Ka Cheke Holo

⁸ Nu God ne filo glanidi nodi najafra naiknore kate theome leghuni mare u nhaꞌa cheke ulu lahu na. Eghume God ne cheke eghu, “Fanomho fakeli! Narane na la namo meihi, iara ginauna eni kaisei nhaꞌa cheke majaghani baludi naiknodi Israel nei naiknodi Juda.

Hibru 8:8 ပူးပေါင်းရင်းမြစ်များ

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Ululahu Korin 11:25

Jaola, ke leghugna te ima bret na, mana hata hinao na ne cheke eghu, “Hinao igne u nhaꞌa cheke majaghani funu ka God ranghidi nogna naiknore. Nhaꞌa cheke majaghani igne farerheta ka dadara glehegu iara na. Kate ko'uni igne, ghotilo ghatho fapulo ghau iara.”

Luku 22:20

Ke leghugna te gnafa ima na, mana jaola neke hata hinao na, ne cheke eghu, “Waen igne fagaglana gna nhaꞌa cheke majaghani teke eni God ka nogna naiknore. Eghume nhaꞌa cheke majaghani igne fufunu ka dadaragu iara te thofa te mala fakarhi ghami ghotilo gnafa.”

Profet Esikiel 37:26

Iara ginauna eni kaisei nhaꞌa cheke pharikeli baludi mare, u nhaꞌa cheke igne ginauna theome tangomana te gnafa na. Uve, iara ginauna fablahidi mala thovu mare. Eghuteuna nogu vido blahi iara igne ginauna kegra fabrahu ka nodi namono mare igne.

Profet Jeremaea 31:38

Lord ne cheke eghu, “Iara vahinihi kaisei narane, eghuteuna ka narane tuana, ghotilo ginauna nake babana fapulo nogu namono iara Jerusalem. Ghotilo ginauna na fufunu ke maghati nogna suga mala toetoe mae Hananel tei posa ke mosu Geri Grengatha.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Nonomho Te Keli Teke Risoi Mae Mak 14:24

Mana ne cheke eghu, “Igne dadaragu iara na, farerhetagna nhaꞌa cheke majaghani teke eni God ka nogna naiknore. Dadara igne thofa mala fakarhidi naikno te kmanare.

Profet Jeremaea 31:27

“Iara Lord, iara cheke tutuani fara. Ginauna, iara te mala toghodi naikno nei glepo te tautagu teu igre mala vuragha ka vikegna Israel, nei ka vikegna Juda, jateula mae ihei te loku ka nagare te vuragha gano ra eghu.

Profet Jeremaea 30:3

Ka narane tuana, iara ginauna nake atha fafigri naiknodi Jerusalem nei Juda mala ke pulo mei au fakeli ka nodi namono teke tusu ari iara ka vikedi mare tifa ra.”

Profet Jeremaea 23:7

Iara Lord te chekeni igne. Iara neke khi teidi naikno igre, nu iara vahinihi kaisei narane te mala ke atha fapulodi ka nodi thofno namonore mala au ka pharikeli. Te mala farhetani nodi cheke na mare na cheke eghu, ‘Tutuani kligna, ka nanghagna Lord mae ihei te karha te tifa, Lord ginauna atha fajifla ghita Ijep.’ Nu ka narane nate atha fafigridi iara na, puhi igne ginauna nake tughu, eghuteuna mare ginauna na cheke eghu, ‘Tutuani kligna, ka nanghagna Lord mae ihei te karha te tifa, Lord ginauna nake atha fafigri ghita vikegna Israel ka thofno namonoda ra funu ke raru nei funu ka keha kantri aheva mana teke kuru tei ghita.’ ”

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Luku 17:22

Mae Jisas ne cheke eghu ka nogna mae fanomhore, “Ghotilo ginauna na magnahaghei fara te filo ghau iara mae teke mei funu ka God, nu narane mala pulo meigu iara na theome ghosei mei.

Matiu 26:28

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Diutronomi 29:14

Lord neke cheke eghu ka ghotilo, ‘Nu iara neke theome eni nhaꞌa cheke igne balumi ghotilo kolho, eghuteuna theome ghotilo kolho te mala leghuni nogna cheke te nheta mana igne.

Hibru 7:22

Gaoghathogna igne mae Jisas ne fahoroghotoni kaisei nogna nhaꞌa cheke majaghani God teke tusu mei ka tahati. Nhaꞌa cheke majaghani igne uluni u nhaꞌa cheke tiatifa na.

Hibru 8:6

Eghume gloku te eni mae Jisas na biꞌo fara ke uludi nodi gloku keha mae pris gre. Jaola nhaꞌa cheke majaghani hata teke mei mae Jisas funu ka God ka nogna naiknore famane keli fara uluni u nhaꞌa cheke tiatifa na. Eigna kate eni God nhaꞌa cheke majaghani igne, mana ne cheke eghu, “Ghotilo ginauna snori nomi ka glepo te keli uluni nhaꞌa cheke tifa ia.”

Hibru 8:13

Tahati laseni glepo te tiatifa na theo kaisei nogna gloku eghuteuna ginauna theome raugha dofini. God jateula tuana eghu kate eni u nhaꞌa cheke majaghani igne. Tuani fara, mana neke nhaꞌa fadelei u nhaꞌa cheke te tiatifa na jateula glepo te tiatifa ba te thona.

Luku 5:38

Eghume tahati totoho waen majaghani na kau duku te majaghani.