Hibru 8:4 - Buka Blahi Ka Cheke Holo

⁴ Jame au mae Jisas baluda ka nauthoglu igne meuna, mana ginauna theome loku jateula kaisei mae pris biꞌo eghu, naugna tahati auhi kmana mae pris ka vikegna mae Livae te mala fafara nei cheke fakelini God teuna, jateula te chekeni ka nogna vetula mae Moses.

Hibru 8:4 ပူးပေါင်းရင်းမြစ်များ

Hibru 5:1

God tangomana te vavahi mae pris biꞌo maladi naiknore. Mana kegra ke ulugna God mala kilo fnaknoni mana balu fafara mala hata fadeleidi nakhibodi naiknore.

Naba 18:5

“Iagho nei mae ka vikemu iaghore eghu kolho te mala loku ka chogho te blahi nei ka olta na, mala theome tangomana iara te diꞌatagu ka naiknodi Israel re.

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Hibru 8:3

Mae pris biꞌo te gnafare hata gloku igne mala fafara nei cheke fakelini God baludi keha nafnata fafara langau. Eghume noda mae pris biꞌo tahati na mana mala eni langau kaisei fafara ka God.

Hibru 9:9

Igne kaisei thotoghale te mala laseni tahati ka unha glepo te thoke mei gognaro na. U gaoghathogna u thotoghale igne eigna u fafara nei kilo fnakno te edi mae pris ka God igre theome naba te famane fagagaeni nagnafagna naikno te mei ka God na.

Hibru 10:11

Mae pris te gnafare mare eni nodi gloku na ranghini God leuleghu narane. Mare eni koba nafnata fafara igne ngala leuleghu fata na. Nu nafnata fafara igne theome tangomana te atha koko u nakhibo teke edi naiknore.