Hibru 7:9 - Buka Blahi Ka Cheke Holo

⁹ Eghuteuna mae pris ka vikegna mae Livae gre mare tangomana te hata kaisei fabothogna ka naiknore. Nu tifa na mae Ebraham, ku'egna Livae, neke tufa glepo ka mae Melkisedek. Eghume tahati tangomana te chekei mae Livae jaola neke tufa glepo ka mana.

Hibru 7:9 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 5:12

Nakhibo na neke thakle mei ka nauthoglu igne leghuni nogna najafra kaisei mae kolho, eghuteuna mana neke lehe eigna nakhibo. Eghuteuna naugna ka nakhibogna mae igne, glehe na neke thakle mei ka tahati te gnafa naikno te thakle mei ke leghugna mana re. Naugna tahati te gnafa na jaola kafe au ka nakhibo.

Jenesis 14:20

Eghuteuna tahati pala hagheni nanghagna na eigna mana ne togho nigho ne uluni iagho u magra igne.” Aonu mae Ebram ne tufa glepo teke hata teke pulo ka magra na ne edi nabotho bukrei ne tufa ka mae Melkisedek kaisei bukrei.

Hibru 7:4

Te filoni tahati na mae Melkisedek gne kaisei mae biꞌo fara! Naugna mae kuꞌeda Ebraham na neke tufa ka mana fabothodi glepo te hata mana kau magra na.

Diutronomi 26:12

“Leuleghu thilo finogha, ghotilo eni fabothodi gano te hata ghotilo ka nagare are. Eghuteuna ka finogha tuana ghotilo tusu lao fabothodi gano igre ka mae Livaet, nei ka mae phosa te au balumi ghotilo, nei goro sua glehe kokoi, nei goro naikno biꞌo tela lehehi khetodi ra. Ghotilo eni igne, mala tangomana naikno te kuma igre te au ghedi naba gano ka namonomi ghotilo are.

Matiu 7:8

Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.

Hibru 7:8

Eidi mae pris te atha kaisei fabothodi gobigna lepo ka naiknore igre, mare mala lehe. Nu te chekeni ka grioriso te blahi na, mae Melkisedek gne mana e karha fabrahu tifa tifa.

Hibru 7:10

Naugna ka teke tei mae Melkisedek te thafoni mae Ebraham, mae Livae theome karha ngau, nu mana au ngau ka thinigna mae ku'egna Ebraham.