Hibru 7:8 - Buka Blahi Ka Cheke Holo

⁸ Eidi mae pris te atha kaisei fabothodi gobigna lepo ka naiknore igre, mare mala lehe. Nu te chekeni ka grioriso te blahi na, mae Melkisedek gne mana e karha fabrahu tifa tifa.

Hibru 7:8 ပူးပေါင်းရင်းမြစ်များ

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Hibru 7:23

Keha glepo na igne, tifa na mare kmana mae pris, naugna hatimare lehe neke theome tangomana te eni fabrahu nodi gloku na.

Jone 14:19

Na theome raugha naiknogna nauthoglu igne na theome filo ghau iara. Nu ghotilo na filo ghau iara, naugna iara na karhau ngala. Eghuteuna ghotilo na karha la, naugna iara ginauna nake kegra fapulo kau karha.

Hibru 3:16

Iheire si teke nomhini chekegna God na nu patugama nagnafadire me theome leghuni mana teku ia? Naikno te gnafare mae Moses teke baubatudi mala jifla kokoni Ijep.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Hibru 7:7

Eghume te laseni tahati na mae Melkisedek gne mae ke ulugna mae Ebraham, naugna mana ne fablahini mae Ebraham. Naugna tahati thofno laseni mae ke biꞌo na fablahini koba mae ke iko na.

Hibru 7:9

Eghuteuna mae pris ka vikegna mae Livae gre mare tangomana te hata kaisei fabothogna ka naiknore. Nu tifa na mae Ebraham, ku'egna Livae, neke tufa glepo ka mae Melkisedek. Eghume tahati tangomana te chekei mae Livae jaola neke tufa glepo ka mana.