Hibru 7:7 - Buka Blahi Ka Cheke Holo

⁷ Eghume te laseni tahati na mae Melkisedek gne mae ke ulugna mae Ebraham, naugna mana ne fablahini mae Ebraham. Naugna tahati thofno laseni mae ke biꞌo na fablahini koba mae ke iko na.

Hibru 7:7 ပူးပေါင်းရင်းမြစ်များ

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Ululahu Kings 8:55

Aonu mana ne cheke fabiꞌo ne fablahidi naiknodi Israel.

Fapea Samuel 6:20

Mae Devet neke pulo mei ka nogna suga na ne toreni God mala fablahini tharaknagna na. Mikal jifla mei kosi ka suga na ne thafoni mana ne cheke eghu, “Iagho king gna Israel! Nu ginei ia iagho eni kaisei glepo te theome nabagna nou nafnakno biꞌo iagho na. Iagho famamaja nigho themu te koko nou pohe nafnakno na te ragi tafri ke uludi nodi gaꞌase gloku nou mae nafnakno are. Iagho jateula fiti maera eghu kolho!”

Diutronomi 32:1

“Maloa ghe glose, ghopa fanomho ka nogu cheke iara gne, ghopa fanomho fakeli ka unha te chekedi iara igre.

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Hibru 7:6

Nu mae Melkisedek gne neuba neke theome jifla mei ka vikegna mae Livae, mana hata glepo ka mae Ebraham. Eghuteuna mae Melkisedek jaola neke fablahini mae Ebraham, mae ihei God teke nhaꞌa cheke ranghini.

Hibru 7:8

Eidi mae pris te atha kaisei fabothodi gobigna lepo ka naiknore igre, mare mala lehe. Nu te chekeni ka grioriso te blahi na, mae Melkisedek gne mana e karha fabrahu tifa tifa.