Hibru 7:20 - Buka Blahi Ka Cheke Holo

²⁰ Eghuteuna keha glepo na teuna, God neke nhaꞌa cheke eigna mae Jisas, mana ginauna mala mae pris fabrahu. Kate pris hatimare mae vikegna Livae tifa na, God neke theome eni kaisei nhaꞌa cheke jateula tuana neku ka mare.

Hibru 7:20 ပူးပေါင်းရင်းမြစ်များ

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Hibru 7:21

Nu kate pris mae Jisas na, God neke nhaꞌa cheke eghu, “Lord neke eni kaisei nhaꞌa cheke, eghuteuna mana ginauna theome tughu gaoghathogna na. Mana ne cheke eghu, ‘Iagho kaisei mae mala pris fabrahu tifa tifa.’ ”