Hibru 7:15 - Buka Blahi Ka Cheke Holo

¹⁵ U cheke eidi mae pris igne glola fara ka tahati gognaro na, naugna keha mae pris jateula mae Melkisedek teuna la thakle meihi.

Hibru 7:15 ပူးပေါင်းရင်းမြစ်များ

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Hibru 7:11

God neke tusu lao nogna vetula mae Moses na ka naiknodi Israel. Eghuteuna hatimare mae pris ka vikegna mae Livae gre neke eni nodi gloku na mala toghodi naiknore mala leghuni u vetula igne nei mala au doglo fabrahu ke ulugna God. Nu jame naba te mala fakelidi naiknore ka nodi gloku mare na meuna, mala unha si teke mei kaisei mae pris ke leghu gnea? Tutuani, nodi gloku mare na ne theome naba, naugna igne kaisei pris jateula mae Melkisedek eghu te mei na, theome jateula mae pris ka vikegna mae Eron.

Hibru 7:3

Tahati theome lasedi idogna nei kmagna teu mae Melkisedek re. Nei theola kaisei thoutonu eigna vikegna mana na. Nei tahati theome lase nila niha teke karha mana na, ba niha teke lehegna na. Eghume mana jateula te thugna God eghu mala mae pris fabrahu tifa tifa.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Hibru 7:14

Naugna tahati lasenihi, mae Jisas igne neke karha mei ka vikegna mae Juda. Eghuteuna mae Moses neke theome chekeni kaisei glepo eigna vike tuana kani teke cheke eidi mana hatimare mae pris.

Hibru 7:16

God neke vahini mana mala mae pris, theome leghuni kaisei vetula eigna vike, nu mana mala mae pris ka nogna nolaghi nei nakarhagna te theo ka huigna.