Hibru 7:12 - Buka Blahi Ka Cheke Holo

¹² Eghuteuna, jame teke mei kaisei nafnata pris na, vetula na jaola ke tughu.

Hibru 7:12 ပူးပေါင်းရင်းမြစ်များ

Profet Isaia 66:21

Eghuteuna iara ginauna vavahi keha ka mare mala pris nei keha mala Livaet.

Profet Esikiel 16:61

Ka teke pulo mei greghamu teke biꞌo ia nei greghamu teke iko ia teuna, iagho ginauna nake ghathodi puhimu iagho te diꞌa ra, eghuteuna iagho ginauna thono mamaja nou fara tagna. Neuba iagho ne huhughuni nou nhaꞌa cheke teke eni balugu iara ia, nu iara ginauna snakredi kolho repa mala jateula thumu gaꞌase eghu iagho.

Hibru 7:11

God neke tusu lao nogna vetula mae Moses na ka naiknodi Israel. Eghuteuna hatimare mae pris ka vikegna mae Livae gre neke eni nodi gloku na mala toghodi naiknore mala leghuni u vetula igne nei mala au doglo fabrahu ke ulugna God. Nu jame naba te mala fakelidi naiknore ka nodi gloku mare na meuna, mala unha si teke mei kaisei mae pris ke leghu gnea? Tutuani, nodi gloku mare na ne theome naba, naugna igne kaisei pris jateula mae Melkisedek eghu te mei na, theome jateula mae pris ka vikegna mae Eron.

Hibru 7:13

Eigna noda Lord Jisas te chekeni tahati igne mana neke mei ka vikegna mae Juda, neke theome mei ka vikegna mae Livae. Eghuteuna, theo kaisei naikno ka vikegna mae Juda teke atha gloku pris tifa na.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.