Hibru 7:10 - Buka Blahi Ka Cheke Holo

¹⁰ Naugna ka teke tei mae Melkisedek te thafoni mae Ebraham, mae Livae theome karha ngau, nu mana au ngau ka thinigna mae ku'egna Ebraham.

Hibru 7:10 ပူးပေါင်းရင်းမြစ်များ

Hibru 7:5

Te laseni tahati na mae pris te gnafare karha mei ka vikegna mae Livae kolho. Eghuteuna nogna vetula mae Moses na, cheke ka naiknore mala tufa fabothodi unha te atha gano ba glepo naiknore maladi hatimare mae pris. Hatimare mae pris gre atha gano ba glepo ka naiknodi Israel kolho, eigna neuba mare ne thabusigna jaola vikegna mae Ebraham neu.

Jenesis 46:26

Eghume khaputudi teke thofno vikegna mae Jekop teke tei balugna Ijep re neke namno salei naikno. Teke khetodi thugna nalhaꞌu mae Jekop re neke theome kahadi.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Ululahu Kings 8:19

nu iagho ginauna na theome tangomana nate horo Sugablahi igne. Kaisei mae thumu iagho ginauna nate horo Sugablahi igne mala mei naiknore cheke fakelini Nanghagu iara na.’

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Hibru 7:9

Eghuteuna mae pris ka vikegna mae Livae gre mare tangomana te hata kaisei fabothogna ka naiknore. Nu tifa na mae Ebraham, ku'egna Livae, neke tufa glepo ka mae Melkisedek. Eghume tahati tangomana te chekei mae Livae jaola neke tufa glepo ka mana.

Hibru 7:11

God neke tusu lao nogna vetula mae Moses na ka naiknodi Israel. Eghuteuna hatimare mae pris ka vikegna mae Livae gre neke eni nodi gloku na mala toghodi naiknore mala leghuni u vetula igne nei mala au doglo fabrahu ke ulugna God. Nu jame naba te mala fakelidi naiknore ka nodi gloku mare na meuna, mala unha si teke mei kaisei mae pris ke leghu gnea? Tutuani, nodi gloku mare na ne theome naba, naugna igne kaisei pris jateula mae Melkisedek eghu te mei na, theome jateula mae pris ka vikegna mae Eron.