Hibru 6:8 - Buka Blahi Ka Cheke Holo

⁸ Keha naiknore jateula vido glose te kotu phono nei sokiaro teu ia eghu ne theome keli kolho. Ke leghu na God ginauna na tibrini glose tuana nei na nako ka khaꞌaghi.

Hibru 6:8 ပူးပေါင်းရင်းမြစ်များ

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Profet Jeremaea 44:22

Diꞌatagna God na biꞌo fara eidi glepo te diꞌa fara te edi ghotilo ra. Naugna igne, mana neke thofno goigonidi fara nomi kantri ghotilore. Eghuteuna kantri igre gognarona theo kaisei naikno te au tadire. Eghuteuna, naiknore ginauna tibri ghami ghotilo mala thoke mei puhi biꞌo ka ghotilo.

Hibru 12:17

Ghotilo laseni igne, ke leghugna mae Isak te fablahini mae Jekop na, mae Iso magnahagheni mae kmagna na te fablahini. Nu neuba ne tanhi fabiꞌo mana ka mae kmagna na mala fablahini neu, mae kmagna na ne tirognani mana. Eghuteuna mae Iso theome tangomana te filoni kaisei puhi te mala tughu najafra teke eni mana na.

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Nonomho Te Keli Teke Risoi Mae Mak 11:21

Mae Pita neke ghathoni teke cheke mae Jisas na ne cheke eghu ka mana, “Velepuhi, filo sagho ka gaju fig teke tibrini iagho ia la lehe hila sia!”

Nonomho Te Keli Teke Risoi Mae Mak 11:14

Mae Jisas ne cheke eghu ka gaju fig na, “Funu ka narane gognaro ao ghu te haghe na, theo kaisei naikno na teke ghamuni sisimu iagho na!” Mae fanomhore ne nomhini cheke mana igne.

Matiu 7:19

Eghume, mae khotogna nagare na ginauna kato soru gaju te theome ure sisi te keli na mala koko lao ka khaꞌaghi.

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Profet Esikiel 20:47

Iagho cheke eghu ka mare, ‘Fanomho fakeli ka nogna cheke Lord igne! Lord God ne cheke eghu: Iara la tarabanahi te mala fakasa khaꞌaghi ka iagho te mala nhako fahui gaju te gnafa te karha teu ba gaju tela lehehi te au ka iagho are! Ginauna theo kaisei naikno nate tangomana te faleheni na khaꞌaghi igne, eghuteuna tathadi nei foflodi teu naikno te gnafa falithuini namhata igne funu ke mata te tei thoke ke raru na, ginauna jaola nhako ka khaꞌaghi.

Profet Jeremaea 17:6

Nafnata naikno tuana jateula kaisei gaju ikoi ka namono nagou, ba kaisei namono te theo kaisei khoꞌu tagna, eghuteuna glosegna na fodu kolho ka tahi. Nafnata naikno igne theo kaisei glepo te keli ka nakarhagna na.

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Thoutonu Eigna Mae Job 31:40

te eghu na, lisa lao ka phono nei gaju te diꞌa eghu kolho mala kotu ka nagare igne.” Nogna cheke mae Job igre gnafa agne.

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Jenesis 4:11

Eghume iara ginauna na tibri nigho iagho naugna iagho ne faleheni mae tahimu na. Eghume unha te joꞌu soru iagho ka glose na ginauna na theome au gano te keli ranghi nigho kolho.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Fapea Samuel 23:7

Phono igne, mana hata naflahi thagho ba goru mala hata tei gnubra ka khaꞌaghi.”

Profet Isaia 27:4

Iara theome diꞌatagu ka nogu nagare igne. Nu jame te au tagna buburu te diꞌa nei fachuchuru teu tagna na, iara ginauna na kato mala koko lao ka khaꞌaghi.