Hibru 6:19 - Buka Blahi Ka Cheke Holo

¹⁹ Noda fatutuani te mala hata glepo te nhaꞌa cheke God ka tahati igre, jateula kaisei sobo eghu ka nakarhada na mala theome tangomana te thugha na. Naugna tahati fatutuani, tahati tangomana te tei ke ulugna God jateula mae pris biꞌo te ruma ke leghugna pohe biꞌo te mala bobothogna chogho te blahi fara te au ke lamnagna Sugablahi na ia eghu.

Hibru 6:19 ပူးပေါင်းရင်းမြစ်များ

Nodi Khoje Hatimare Mae Jiu 43:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Levitikas 16:15

“Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.

Matiu 27:51

Kate lehe mae Jisas na, pohe biꞌo teke gefe soru ke lamnagna Sugablahi na ne breku pea funu kligna thoke pari. Eghuteuna nakheu biꞌo na ne nghali nauthoglu na, eghuteuna thina biꞌo re ne phike pea.

Kolose 3:1

Ghotilo neke karha fapulohi balugna mae Kraes. Eghume, ghotilo magnahagheini fabrahu unha te au kligna na, aheva mae Kraes te gnokro soru ka sape nafnakno mala funei ka khame nhetagna God.

Nodi Khoje Hatimare Mae Jiu 42:11

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala togho ghau iara!

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Mae Khuru 27:29

Mae boskru gna vaka na ne mhaghu nodi fara glahula ghorho ka khalaꞌe, aonu mare ne koko soru fati sobo leghu. Ke leghugna igne mare ne tarai mala ghosei mei narane na.

Letas Teke Riso Tei Mae Pol Ka Khiloau Rom 4:16

Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Mae Khuru 27:40

Aonu mare ne kusu phukridi fati sobo ulure ne plulu ka nhorora na. Eghuteuna mare jaola ne rurutha phukri teke famamhakudi phei gorha biꞌo te mala saghe leghugna vaka na. Mare korho haghe selo te au ulu na ne longa goghodogna nusu na.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Efesus 2:6

Naugna te kaisei tahati balugna na, God jaola ne fakarha fapulo ghita balugna Kraes mala tangomana tahati hui te mala au balugna Kraes kligna.

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Nodi Khoje Hatimare Mae Jiu 39:7

“Eghume, Lord, unha gne te ofoni nei rouronuni teu iara na? Iagho ngala te ofoni nei rouronuni teu iara gognaro na.

Profet Sekaraea 9:12

Ghotilo jateula te au ka suga sosolo eghu. Nu ghotilo iheire te au nomi fatutuani ka Lord te mala fakarhi ghami na, ghotilo gognarona tangomana teke pulo mei ka nomi vido mala poru na! Eghuteuna naugna ghotilo te papara fara na, ka narane igne nhaꞌa cheke, iara ginauna fablahi ghami nei phei fata nhaꞌa ari glepo te keli ke klignadi puhi biꞌo teke thoke ghami ghotilo tifa ra.

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Letas Teke Riso Tei Mae Pol Ka Khiloau Rom 4:18

Neuba mae Ebraham ghe Sera ne naikno biꞌohi ne theome naba te au thudi na, God neke vahini mana mala ku'edi vike te kmanare. God neke cheke eghu ka mae Ebraham, “Thumu iagho re ginauna kmana fara jateula nathunu ka maloa na are eghu.” Glepo igne ninhigrana fara ka gaoghathogna na, nu mae Ebraham ne fatutuani ni fabrahu chekegna God na.

Letas Teke Riso Tei Mae Pol Ka Khiloau Rom 5:4

Eghuteuna kate au heta fabrahu tahati na, God ginauna na jaola tangomana te gleale'a ka tahati na, mala tangomana tahati te thofno rouronuni te mala hata u nogna nhaꞌa cheke mana na.

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.