Hibru 6:14 - Buka Blahi Ka Cheke Holo

¹⁴ “Tutuani fara, iara ginauna na fablahi nigho, tutuani fara iara ginauna na fathovuni vikemu iagho na.”

Hibru 6:14 ပူးပေါင်းရင်းမြစ်များ

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Jenesis 17:2

Iara ginauna na eni unha teke kulu nhaꞌa chekenihi iara ka iagho tifeiro ia. Thumu iagho re ginauna kmana fara.”

Jenesis 48:4

Mana neke cheke eghu ka iara, ‘Iara ginauna na tusu ranghi nigho iagho kmana thumu, eghuteuna gramu iagho re ginauna na kmana fara. Iara ginauna na tusu ari namono igne ka gramu iagho re mala nodi mare fabrahu.’ ”

Jenesis 22:16

“Lord na ne cheke eghu, ‘Iara ginauna na nhaꞌa cheke ka nanghagu thegu na, naugna iagho ne theome lhotini mae thofno thumu na ka iara, iara ginauna fablahi nigho iagho.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Galesia 3:18

Jame leghuni tahati u vetula te mala tangomana tahati te hata unha te tusu mei ranghi ghita God na meuna, God theome leghuni nogna nhaꞌa cheke na. Ne theome eghu. God neke tusu lao ka mae Ebraham leghuni nogna nhaꞌa cheke na.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.