Hibru 6:13 - Buka Blahi Ka Cheke Holo

¹³ Theo kaisei mae te au nolaghi jateula God teuna. Aonu kate nhaꞌa cheke ka mae Ebraham na God ne nhaꞌa cheke ka nanghagna thegna, ne cheke eghu,

Hibru 6:13 ပူးပေါင်းရင်းမြစ်များ

Luku 1:73

God neke nhaꞌa cheke ka kuꞌeda mae Ebraham te mala fakarhi ghita kau nodi nolaghi noda mae naokare mala theome mhaghu tahati kate loku ranghini God na.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Jeremaea 22:5

Nu jame te theome leghuni ghotilo nogu cheke iara igre na, tutuani fara, iara ginauna goigoni ni fara suga biꞌo igne.’ ”

Profet Isaia 45:23

Iara la enihi kaisei nhaꞌa cheke, eghuteuna nhaꞌa cheke igne theome tangomana na teke tuthughu na. Nogu nhaꞌa cheke iara igne tutuani fabrahu. Ghotilo te gnafa na mala kafe mei tuturupuku ke ulugu iara, eghuteuna ghotilo nhaꞌa cheke mala leghu ghau iara.

Profet Esikiel 32:13

Iara Lord ginauna aknu falehe nou buluka iagho te nolo tafri ka geri khoꞌu te mala koꞌu na are, eghuteuna theo kaisei naikno ba buluka nate fachochopu khoꞌu na.

Profet Jeremaea 49:13

Iara nhaꞌa chekehi ka nanghagu thegu te mala roꞌeni nomi namono biꞌo ghotilo Bosra. Eghuteuna kate ghathoni igne, naiknore ginauna rhana nodi fara ka unha nate thoke mei ka mare na. Mare ginauna tibrini namono igne mala thoke mei puhi biꞌo ka naiknore. Eghuteuna namono te gnafa te au faligohoni namono igne ginauna theome tangomana na teke kegra fapulo na.” Igne chekegna Lord.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Profet Jeremaea 44:26

Nu ghotilo fanomho mei ka nogna cheke Lord igne. ‘Iara Lord lisei soru ka ghotilo naiknodi Juda nhaꞌa cheke igne. Nu iara theome snakreni kaisei naikno gna Juda te cheke eghu na, “Iara eni nhaꞌa cheke igne ka Nanghagna Lord mae ihei te karha te tifa.”

Galesia 3:15

Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na.

Galesia 3:18

Jame leghuni tahati u vetula te mala tangomana tahati te hata unha te tusu mei ranghi ghita God na meuna, God theome leghuni nogna nhaꞌa cheke na. Ne theome eghu. God neke tusu lao ka mae Ebraham leghuni nogna nhaꞌa cheke na.

Ululahu Kronikols 16:16

Nhaꞌa cheke teke kulu eni mana ka mae Ebraham igne, mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.