Hibru 6:11 - Buka Blahi Ka Cheke Holo

¹¹ Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Hibru 6:11 ပူးပေါင်းရင်းမြစ်များ

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Thakle 2:26

Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Fapea Tesalonika 3:13

Nu ghotilo kheraguro, thosei babaꞌo eigna te eni gloku te keli na.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Profet Isaia 32:17

Eghuteuna naugna te leghuni mare puhi te doglo na, mare ginauna au fabrahu ka pharikeli, eghuteuna mare ginauna au fakeli fabrahu na theome ghathoni kaisei glepo.

Ululahu Tesalonika 4:10

Tutuani fara, ghotilo namhadi kherada te gnafa ka namono Masidonia. Eghume ghehati tore ghami fara kheraguro mala biꞌo e biꞌo ghotilo nomi namha na ranghidi.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Filipae 3:15

Uve, te heta tahati ka mae Kraes noda fatutuani na, tahati loku famaku nafnata gaoghatho tuana ka nagnafadare. Nu jame ihei te tirogna fatutuanidi nafnata gaoghatho igre, God ginauna falalase fakelini naikno tuana u nabrou te doglo na.

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Ululahu Jone 3:19

Eghume, ka puhi tuana tahati laseni te leghuni nabrou te tutuani na. Eghuteuna kate laseni tahati te eni unha te diꞌa ranghini kherada fofodu na ka nagnafadare, tahati tangomana te au teu ngala ka pharikeli ke ulugna God. Naugna nogna namha God na thofno biꞌo fara, eghuteuna mana lasedi gobigna lepore.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Letas Teke Riso Tei Mae Pol Ka Khiloau Rom 12:8

Jame te hata tahati u khokofakasai te mala fakeli nagnafadi naiknore, tahati mala eni tuana. Eghuteuna jame te hata tahati u khokofakasai te mala toghodi naiknore ka thua nafnata glepo na, tahati mala eni tuana ka puhi te keli. Jame te hata tahati u khokofakasai te mala batudi naiknore, tahati mala loku brana ranghidi. Eghuteuna jame te hata tahati u khokofakasai te mala kokhonidi nei keli ranghidi teu naiknore, tahati mala eni tuana balu gleale'a.

Galesia 5:5

Nu ka nogna thotogho mae Tharunga te Blahi na, ghehati ronuni fara God mala fadoglo ghami ke ulugna mana ginauna.

Luku 1:1

Ranghi nigho iagho ghema Teofilas. Uve, mae biꞌo, kmana naikno neke hati nheta dina neke risodi u glepo teke edi ke lamnada tahati igre.

Josua 7:3

mare neke pulo mei ka mae Josua, ne cheke eghu ka mana, “Theome nabada tahati te kafe tei magra ka namono Ai. Mare theome kmana kolho. Te keli na iagho kurudi kolho phei ba thilo thogha soldia mala tei magra.”