Hibru 5:2 - Buka Blahi Ka Cheke Holo

² Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Hibru 5:2 ပူးပေါင်းရင်းမြစ်များ

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 2:18

Eghuteuna gognaro na mae Jisas tangomana te togho ghita tahati naikno te huhuru ghita mae Satan te mala edi glepo te diꞌare, naugna mae Jisas jaola neke au papara kani teke fariuriuni mae Satan mala jafra mana teku na.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Hibru 12:13

Tei fabrahu ka nabrou te doglo glahula keha naikno ka khiloau gne theome nheta ka nodi fatutuani na, mare ginauna heta nei theome snivi ka nogna nabrou God na.

Galesia 4:13

Ghotilo laseni eigna thinigu iara gne neke fogra fara, naugna igne iara neke kulu toutonuni u Nonomho te Keli na ka ghotilo.

Fapea Korin 12:5

Eghume iara na cheke fahaehaghe ka unha teke eni ka iara na. Nu iara ginauna theome cheke fahaehaghedi kmana glepo teke edi ka nakarhagu na nu iara ginauna cheke fahaehaghedi glepo te falaseni te mae nigra kolho iara na.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Fapea Korin 11:30

Jame te cheke fahaehaghe iara gognaro na, iara ginauna cheke fahaehaghe eidi kolho glepo te falaseni te nigra iara na.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Profet Isaia 30:11

Ghotilo mae profet ra thosei toutonuni mei ka ghehati. Ghehati theome magnahaghei te nomhidi thua nafnata cheke eigna God te Blahi gna Israel!’ ”

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Jajis 2:17

Neuba, mare theome fanomho fakeli kolho ka mae lida igre. Eghuteuna mare tei leghudi kolho god chaichaghi igre jateula gaꞌase te tei leghuni nalhaꞌu te theome khetogna naꞌa na. Eghuteuna theome raugha mare theome leghudi puhidi kuꞌedi mare te keli teke thofno leghudi nogna cheke Lord ra.

Profet Isaia 29:24

Naikno te theome muana gaoghathogna nei ihei te khuru cheke teu igne, ginauna lase fakeli ghau iara nei ginauna leghudi nogu farirhiu iara re.”

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Jemes 5:19

Kheraguro, mae ihei tela tei kokonihi thofno chekegna God na, ghotilo ke toghoni mana mala ke pulo mei.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.