Hibru 5:14 - Buka Blahi Ka Cheke Holo

¹⁴ Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.

Hibru 5:14 ပူးပေါင်းရင်းမြစ်များ

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.

Profet Isaia 7:15

Kate funu laseni mae sitei igne unha te keli na, nei unha te diꞌa na teuna, mana na ghamu jujurukuli nei milk eghu kolho. Ka narane tuana mana mae sitei ngau kolho.

Efesus 4:13

U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Filipae 3:15

Uve, te heta tahati ka mae Kraes noda fatutuani na, tahati loku famaku nafnata gaoghatho tuana ka nagnafadare. Nu jame ihei te tirogna fatutuanidi nafnata gaoghatho igre, God ginauna falalase fakelini naikno tuana u nabrou te doglo na.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Letas Teke Riso Tei Mae Pol Ka Khiloau Rom 14:1

Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Fapea Samuel 14:17

“Eghuteuna iara jaola laseni, nou nhaꞌa cheke iagho igne ginauna togho ghau iara mala au fakeli nogu iara, naugna iagho funei. Iagho jateula nogna engel God eghu. Iagho tangomana te filo glanidi unha glepo te diꞌa nei unha glepo te keli teu igre. Eigna Lord, nou God te au balumu.”

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Thoutonu Eigna Mae Job 12:11

Jateula glapigna naikno na gnaignami ni gano mamahe ba theo, khuligna naikno na fariuriu cheke.

Ululahu Kings 3:11

Aonu God ne cheke eghu ka mana, “Iara keli tagu fara ka iagho, naugna iagho theome toreni nakarha brahu na, ba dedei na, ba te mala falehedi iara nou naokare. Nu iagho toreni kolho gaoghatho te keli na mala tangomana iagho te funei frunidi naiknore ka puhi te doglo.

Thoutonu Eigna Mae Job 34:3

Job neke cheke eghu, ‘Eigna khuli na fariuriuni cheke na, jaola glapi na fariuriuni gano na te mamahe ba theo.’

Thoutonu Eigna Mae Job 6:30

Ba, iara chaghi? Theo! Ba, ghotilo ne theome laseni iara eigna puhi biꞌo na eghu gaoghathomi na? Theo!”

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.

Famane Khoje 2:3

Kate au iagho farihoteidi keha mae majaghani re, iagho thofno jateula kaisei gaju te ure sisi farihoteidi keha gaju mata ra eghu. Iara magnahaghei fara te mala gnokro ka naungogna gaju igne, eghuteuna maimani gna sisi igne thofno mamahe fara.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God