Hibru 5:1 - Buka Blahi Ka Cheke Holo

¹ God tangomana te vavahi mae pris biꞌo maladi naiknore. Mana kegra ke ulugna God mala kilo fnaknoni mana balu fafara mala hata fadeleidi nakhibodi naiknore.

Hibru 5:1 ပူးပေါင်းရင်းမြစ်များ

Hibru 8:3

Mae pris biꞌo te gnafare hata gloku igne mala fafara nei cheke fakelini God baludi keha nafnata fafara langau. Eghume noda mae pris biꞌo tahati na mana mala eni langau kaisei fafara ka God.

Hibru 10:11

Mae pris te gnafare mare eni nodi gloku na ranghini God leuleghu narane. Mare eni koba nafnata fafara igne ngala leuleghu fata na. Nu nafnata fafara igne theome tangomana te atha koko u nakhibo teke edi naiknore.

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Hibru 9:9

Igne kaisei thotoghale te mala laseni tahati ka unha glepo te thoke mei gognaro na. U gaoghathogna u thotoghale igne eigna u fafara nei kilo fnakno te edi mae pris ka God igre theome naba te famane fagagaeni nagnafagna naikno te mei ka God na.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Levitikas 9:7

Aonu mae Moses ne cheke eghu ka mae Eron, “Iagho tei ka olta mala fafara mala doglo themu ka tathagna Lord, eghuteuna ei fafara te thofno krono mala atha koko nakhibomu iagho. Eghuteuna ke leghu, iagho fafara mala atha koko nakhibodi naiknore, thofno jateula teke chekedi Lord ra eghu.”

Levitikas 8:2

“Atha mei Eron baludi thugna ra ka grengathagna Suga Tapuale te Blahi. Atha mei nodi pohe blahi mae pris ra, nei oel blahi, nei buluka nalhaꞌugna ia mala fafara mala doglo mare ka tathagu iara na, nei phei sipu nalhaꞌudi nei kharaꞌo te au thilo nafnata bret te theo isi tadi. Eghuteuna iagho kafe kilo meidi ka vido tuana.”

Letas Teke Riso Tei Mae Pol Ka Khiloau Rom 15:17

Naugna iara kaisei balugna mae Jisas Kraes, iara tangomana te fahaehagheni nogu gloku ranghini God na.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Hibru 8:4

Jame au mae Jisas baluda ka nauthoglu igne meuna, mana ginauna theome loku jateula kaisei mae pris biꞌo eghu, naugna tahati auhi kmana mae pris ka vikegna mae Livae te mala fafara nei cheke fakelini God teuna, jateula te chekeni ka nogna vetula mae Moses.

Hibru 10:12

Nu mae Kraes neke eni kaisei fafara kolho te nolaghi te mala atha koko nakhibodi naiknore tifa tifa. Eghuteuna ke leghugna igne mana tei ne gnokro fei nhetagna God.