Hibru 4:6 - Buka Blahi Ka Cheke Holo

⁶ Naikno teke kulu nomhini u Nonomho te Keli gne mare na theome ruma ka namono mala gnafa na, naugna mare ne theome fatutuani ni God. Nu tutuani fara kehare ginauna na ruma ka namono mala gnafa na.

Hibru 4:6 ပူးပေါင်းရင်းမြစ်များ

Matiu 21:43

“Eghume te chekeni iara ka ghotilo na. God ginauna hata fadelei nolaghi na ka ghotilo naikno teke funei frunidi mana re. Aonu God ginauna ke tusu lao nolaghi igne ka naikno te edi unha te magnahaghedi mana re.

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Mae Khuru 28:28

“Eghume, iara magnahaghei ghami ghotilo te laseni eigna God neke kuru meini u nonomho gna mae Fakarha na ranghidi naikno te theome Jiu. Eghuteuna mare ginauna na nomhini cheke igne!” Ke leghugna te chekeni mae Pol igne, mae biꞌodi Jiure ne jifla.

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.

Galesia 3:8

Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.”

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Naba 14:31

Ghotilo cheke eidi naiknodi Kenan gre ginauna atha fadelei thumi ghotilo re, nu iara ginauna athadi mare tei ka vido te tiromini ghotilo ia.

Naba 14:12

Iara ginauna falao kaisei khabru te diꞌa mala lehe mare. Nu iara ginauna eni nigho iagho mala kuꞌedi keha vike teke biꞌo nei ke nhetadi mare teu are.”

Ululahu Korin 7:29

Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.