Hibru 4:5 - Buka Blahi Ka Cheke Holo

⁵ Jaola ka vido tuana tahati filoni mana ne cheke eghu, “Mare ginauna na theome tangomana te mei ka vido te au iara na mala gnafa balugu iara.”

Hibru 4:5 ပူးပေါင်းရင်းမြစ်များ

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Hibru 4:3

Nu tahati naikno te fatutuani gre tangomana te ruma ka namono mala gnafa na tifa tifa. “Tahati laseni kaisei namono te thofno tutuani mala gnafa naugna God neke cheke eghu eidi mae Israel, ‘Ginauna na theome tangomana te mei ka namono te au iara na mala gnafa balugu iara!’ ” God ne cheke eghu theome eigna teke theome kulu tarabana mana kaisei namono te mala gnafa na, theo. Namono igne la kulu tarabanahi kate ke loku fagnafa nogna gloku na ka teke vuavuhadi mana gobigna lepo ka nauthoglu gne. Tutuani, nogna gnafa mana na fufunu ka narane tuana tifa tifa.

Hibru 3:11

Aonu iara diꞌatagu fara ne nhaꞌa cheke eghu, ‘Mare ginauna theome tangomana te mei ka namono teke nhaꞌa cheke iara te mala tusu ranghidi mala gnafa balugu iara!’ ”