Hibru 4:15 - Buka Blahi Ka Cheke Holo

¹⁵ Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 4:15 ပူးပေါင်းရင်းမြစ်များ

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Jone 8:46

Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Luku 22:28

Ghotilo mae igre au fabrahu hi balugu iara ke lamnadi kmana nafnata vido te ninhigrana.

Luku 4:2

Jare mae Satan ne fariuriuni mae Jisas phiatutu narane. Mae Jisas neke theome ghamu kau narane tuare. Kate gnafa narane tuare mae Jisas ne rofo fara.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Eksodas 23:9

“Iagho thosei eni kaisei puhi te diꞌa ranghini naikno gna delei te mei au ka namonomu iagho na. Iagho laseni puhigna naikno te jifla kokoni namono gna na te tei au delei na, naugna ghotilo neke au Ijep tifa na.”

Matiu 12:20

Naikno te nigra fei thini ba fatutuani, mare jateula fora te namo klopa ba juta te namo lehe ia eghu. Nu mae igne ginauna theome thododi naikno te nigra igre. Nu mana ginauna eni fabrahu igne ghilei thokeni narane naikno te theome Jiu gre nate hatani nakarha nogna God.

Matiu 4:1

Tharunga te Blahi na batuni mae Jisas ne tei ka namono nagou na mala mei mae Satan mala fariuriuni mala jafra mana.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.