Hibru 4:12 - Buka Blahi Ka Cheke Holo

¹² Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Hibru 4:12 ပူးပေါင်းရင်းမြစ်များ

Profet Jeremaea 23:29

Chekegu iara na jateula khaꞌaghi nei jateula hama biꞌo te mala tuge thina biꞌo te nghuja ra eghu.

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.

Efesus 6:17

Eghuteuna ghotilo fahaghe kaisei khepi mala magra, igne puhigna God te mala fakarhi ghami ghotilo na. Ghotilo jaola hata nogna naflahi biꞌo mae Tharunga te Blahi na, igne chekegna God na.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Profet Isaia 49:2

Mana neke eni chekegu iara na mala fnonu jateula naflahi mala magra eghu. Mana reireghi ghau iara jateula te pophoru ka khamegna na. Mana tarabana ghau iara jateula iara te kaisei jata te fnonu te tarabana te mala fada ra eghu.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Nodi Khoje Hatimare Mae Jiu 149:6

Tahati atha naflahi fnonu balu koje mala kilo fnaknoni mana.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Efesus 5:13

Nu kate thakle te gnafa gobigna lepo igre kate phae na, naiknore ginauna thofno filo glanidi glepo te edi thedi igre. Eigna u naphae na mala fathakledi gobigna lepore. Naugna igne kaisei cheke naba na cheke eghu, “Dofra haghe ghotilo iheire te thuru ra! Kegra haghe ka glehe, eghuteuna mae Jisas Kraes ginauna faphae ghami ghotilo.”

Luku 8:11

Mae Jisas ne cheke eghu ka nogna mae fanomhore, “Gaoghathogna cheke naba igne. Sisi igne chekegna God.

Nodi Khoje Hatimare Mae Jiu 139:2

Iagho la kulu lasedihi gobigna lepo teke edi iara ra. Neuba iagho ne au neu delei fara, iagho la kulu lasedihi gaoghathogu te gnafa iara re.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Nodi Khoje Hatimare Mae Jiu 45:3

Iagho kaisei mae king te nheta fara kau magra. Iagho au nou glepo fara eghuteuna nanghamu iagho na thono haghe fara. Iagho tarabanau nou naflahi na mala magra.

Thakle 19:21

Eghuteuna mae te saghe ka hose na igne ne falehedi hatimare mae soldiare ka naflahi te jifla mei ka foflogna na. Eghuteuna nanghajire ne soru ka thinidire ne ghamu ne boho.

Thakle 2:16

Eghume, ghotilo koko puhimi te diꞌare. Nu jame te eni fabrahu ghotilo nakhibo na, iara ginauna theome raugha ari ka ghotilo mala magridi naiknore ka naflahi te fnonu piepile te jifla mei ka foflogu iara na.

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Proveb 5:4

Eghuteuna jame te leghuni iagho nogna cheke naꞌa na, ke leghu na iagho ginauna na haimini te glepo diꞌa na, jateula meresin te raha, nei kabru jateula goru te fadi nigho ra eghu.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Mae Khuru 5:33

Kate nomhini igne, hatimare mae mala fate ne thono ngingiridi fara ne magnahaghei falehedi mae khurure.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Mae Khuru 7:38

Mae Moses gne neke au nekeu baludi naiknodi Israel re khapru tekeu ka namono nagou na. Mana neke toutonu ranghidi mae kuꞌeda ra unha teke chekedi u engel igne ka mana ka Thogele Sanai na. Mana neke nomhini cheke te au karha tagna te mei funu ka God, eghuteuna ke tusu mei u cheke tuare ka tahati.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Hibru 6:5

Eghuteuna mare la filo glanihi chekegna God te keli fara na, nei mare lasenihi nogna nolaghi te mala funei frunidi gobigna lepo ka nogna nauthoglu majaghani God.

Jajis 3:16

Aonu Ehud ne eni kaisei naflahi te fnonu piepile, eghuteuna brahugna na thokeni phiatutu glima sentemita. Eghuteuna mana haru naflahi igne ke lamna pohe fei ghahe nhetagna.