Hibru 4:11 - Buka Blahi Ka Cheke Holo

¹¹ Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Hibru 4:11 ပူးပေါင်းရင်းမြစ်များ

Hibru 3:18

Ka iheire si teke nhaꞌa cheke mana tadi mala theome gnafa balugna teku igrea? Mana neke cheke ka naikno te theome leghudi nogna chekere.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Kolose 3:6

God ginauna paradi fara naikno te edi puhi te diꞌa fara igre.

Mae Khuru 26:19

“Naugna igne, ghema King Agripa, iara theome huhughuni unha teke thakle mei funugna kligna na.

Luku 16:16

Mae Jisas ne cheke eghu, “Tifa na naiknore neke leghuni nogna vetula mae Moses na nei chekedi hatimare mae profet. Nu funu ka mae Jone Apublahi na, mare neke toutonuni u Nonomho te Keli eigna God te funei frunidi nogna naiknore. Naugna naiknore nomhini igne, mare fariuriu fara mala ruma kau nakarha igne.

Matiu 11:12

Kau narane te funu farirhiu mae Jone Apublahi te ghilei mei posa gognarona keha mae Jiu neke fariuriu fara ka magra biꞌo ka mae Rom mala fufunu haghe kau nauthoglu igne narane God nate funei frunidi nogna naiknore.

Matiu 7:13

Mae Jisas ne cheke eghu, “Tei ghotilo mala ruma kau grengatha te gobro fara na. Naugna grengatha gna na krepa fara nei nabrou gna na krepa fara teuna, tei thoke kau glehe. Kmana naikno tei kau nabrou tuana. Eghuteuna nabrou te tei thoke kau karha fei tifa na gobro fara, nei nabrou gna na ninhigrana fara nei keha naikno ghu kolho te filo deni na.”

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Hibru 4:6

Naikno teke kulu nomhini u Nonomho te Keli gne mare na theome ruma ka namono mala gnafa na, naugna mare ne theome fatutuani ni God. Nu tutuani fara kehare ginauna na ruma ka namono mala gnafa na.

Fapea Pita 2:6

God jaola neke fatedi phei namono biꞌo Sodom ghe Gomora, God neke faghamu khaꞌaghidi ne vuhai nakrofu. Igne kaisei thotoghale te mala filoni iheire te huhughuni God nei laseni unha nate thoke mei ka mare nathuꞌu nauriha na.

Josua 7:3

mare neke pulo mei ka mae Josua, ne cheke eghu ka mana, “Theome nabada tahati te kafe tei magra ka namono Ai. Mare theome kmana kolho. Te keli na iagho kurudi kolho phei ba thilo thogha soldia mala tei magra.”