Hibru 3:8 - Buka Blahi Ka Cheke Holo

⁸ Thosei patugama nagnafami are, jateula teke eni mae ku'emi tifa teke huhughuni chekegna God. Mare neke edi unha te theome magnahaghedi mana re ke lamnagna namono nagou na.

Hibru 3:8 ပူးပေါင်းရင်းမြစ်များ

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Profet Daniel 5:20

Nu mae kuꞌemu iagho igne kaisei mae fahaehaghe fara, eghuteuna patugama fara, eghuteuna mana paradi koba naiknore. Naugna igne, God neke hata fadelei ka mana nolaghi te mala funei frunidi naiknore. Eghuteuna theo kaisei naikno te ghatho tahuni mana na.

Profet Jeremaea 7:26

Nu ghotilo theome fanomho ka nogu cheke iara igre. Phaꞌumi ghotilore jateula thina eghu edi koba glepo te diꞌare salaꞌudi mae kuꞌemi tifa ra.’

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Matiu 13:15

Naikno igre bobotho nagnafadire naugna mare theome magnahaghei te raꞌe lalase. Mare fadodofu tathadire naugna mare theome magnahaghei te raꞌe filo glanini kaisei glepo. Mare fofotho khulidire naugna mare theome magnahaghei te raꞌe laseni kaisei glepo. Mare edi glepo igre naugna mare theome magnahaghei teke pulo mei ka iara mala fakarhidi.’ Igne unha teke chekeni God ka mae profet Isaia na.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Nodi Khoje Hatimare Mae Jiu 106:14

Kate au teu mare ka namono nagou na, mare neke rofo fara, aonu mare neke tore gano ka God mala fariuriuni mana.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Diutronomi 6:16

Ghotilo thosei fariuriuni Lord, nomi God jateula teke eni ghotilo tifa kani au teku ghotilo ka namono Masa ia eghu.

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Mae Khuru 19:9

Keha mae Jiure ne patugama fara ne tirodi fatutuanidi nogna cheke mae Pol re. Eghuteuna mare ne cheke fadiꞌani u puhi te mala leghuni mae Jisas. Aonu mae Pol ne jifla ka suga tharai na baludi naikno khiloau re ne tei ka nogna suga sikolu mae Tiranas. Jare mae Pol ne cheke ranghidi naikno khiloau re leuleghu narane nabagna phei finogha. Eghuteuna mae Jiu nei Griki teu te au ka Provins Esia na igre neke kafe nomhini chekegna Lord na ka gloku te edi mae Pol igre.

Nehemaea 9:16

“Nu kuꞌemi ghehati tifa ra neke fahaehaghe fara nei patugama fara neku, eghuteuna mare theome leghudi nou cheke iagho re.

Ululahu Samuel 6:6

Tahati mala theome thufu jateula king gna Ijep baludi nogna naiknore tifa ra eghu. Tahati theome mala ghatho ihoni puhi God teke paradi mare teke ghilei snakredi naiknodi Israel mala jifla ka nodi kantri na.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kings 17:14

Nu mare tirodi leghudi kolho, mare patu gama jateula kuꞌedi tifa ra eghu theome fatutuani ni Lord, nodi God na.

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.