Hibru 3:3 - Buka Blahi Ka Cheke Holo

³ Nu te keli na tahati kafe ghatho tahuni mae Jisas, ke tulao gna mae Moses, jateula ngau naiknore ghatho tahuni mae ihei teke horo gna u suga na, ke tulao gna ghatho tahuni eigna suga na.

Hibru 3:3 ပူးပေါင်းရင်းမြစ်များ

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Profet Sekaraea 4:9

“Serababel thegna teke lilisei famamhaku gna Sugablahi igne, eghuteuna mana thegna ginauna jaola eni fagnafa gloku ka suga igne. Gognarona keha naiknore ghatho faparidi glepo ikodi te edi mae gloku re igre, naugna gloku igne thoghei kolho. Nu kate filoni mare mae Serababel te eni thina leghu lahugna Sugablahi igne te mala doglo na, naiknore ginauna glealeꞌa fara.” Aonu iara ne cheke eghu, “Serababel, kate edi te fagnafa glepo igre, iagho ginauna laseni Lord mae ihei te au nolaghi fateote'o igne mana kuru ari ghau iara ka ghotilo.” Aonu engel igne ne cheke tughuni nogu faghusna iara na ne cheke eghu, “Fitu juta igre jateula fitu tathagna eghu Lord, te filo ka vido te gnafa ka nauthoglu igne.”

Fapea Korin 3:7

Nogna gloku vetula teke rioriso soru mare ke klignadi phei thina tataba igre tifa na, mala falehe naikno kolho. Eghuteuna vetula igne neke mei balu siasigla gna nogna nolaghi biꞌo God, neke siasigla mei ka thinigna mae Moses na. Eghuteuna, neuba siasigla igne ne thoghei ne tei dofini ka thinigna mana na, naiknodi Israel re neke theome tangomana te filo fabrahu ka thinigna mana na.

Hibru 3:4

Kmana mae tangomana horo suga eghuteuna thegna God ngala teke edi gobigna lepore.