Hibru 3:11 - Buka Blahi Ka Cheke Holo

¹¹ Aonu iara diꞌatagu fara ne nhaꞌa cheke eghu, ‘Mare ginauna theome tangomana te mei ka namono teke nhaꞌa cheke iara te mala tusu ranghidi mala gnafa balugu iara!’ ”

Hibru 3:11 ပူးပေါင်းရင်းမြစ်များ

Hibru 4:3

Nu tahati naikno te fatutuani gre tangomana te ruma ka namono mala gnafa na tifa tifa. “Tahati laseni kaisei namono te thofno tutuani mala gnafa naugna God neke cheke eghu eidi mae Israel, ‘Ginauna na theome tangomana te mei ka namono te au iara na mala gnafa balugu iara!’ ” God ne cheke eghu theome eigna teke theome kulu tarabana mana kaisei namono te mala gnafa na, theo. Namono igne la kulu tarabanahi kate ke loku fagnafa nogna gloku na ka teke vuavuhadi mana gobigna lepo ka nauthoglu gne. Tutuani, nogna gnafa mana na fufunu ka narane tuana tifa tifa.

Diutronomi 2:14

“Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.

Hibru 4:5

Jaola ka vido tuana tahati filoni mana ne cheke eghu, “Mare ginauna na theome tangomana te mei ka vido te au iara na mala gnafa balugu iara.”

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Naba 14:35

Iara na eni igne ka naikno te diꞌa te mei khapru te buiburi ghau iara igre, mala lehe mare agne ka namono nagou gne. Iara Lord te chekeni igne.”

Naba 14:25

Gognaro na mae ka vikegna mae Amalek, nei mae ka vikegna mae Kenan teure la au tafri kolho ka gloha mala tei Kenan re. Eghume nathui na ghotilo nake figri mala ke pulo ka namono nagou eghuteuna tei ke mata kate mala tei thoke ka Thongna Ukru ia.”

Nodi Khoje Hatimare Mae Jiu 106:26

Aonu mana ne eni kaisei cheke te thono nheta fara te mala lehe mare ke lamnagna namono nagou na.