Hibru 3:10 - Buka Blahi Ka Cheke Holo

¹⁰ Naugna igne iara diꞌatagu fara ka mare ne cheke eghu, ‘Nagnafadire la tei jafra ka iara. Mare theome laseni nabrougu iara na.’

Hibru 3:10 ပူးပေါင်းရင်းမြစ်များ

Nodi Khoje Hatimare Mae Jiu 95:10

Naugna igne, phiatutu finogha iara neke diꞌatagu fara neke cheke eghu, “Naikno igre theome ghatho tahu ghau iara, nei theome leghuni nogu vetula iara na.”

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Nodi Khoje Hatimare Mae Jiu 67:2

Te eghu na naikno te gnafa ka nauthoglu igne ginauna laseni puhimu iagho na, eghuteuna naiknodi keha kantri gre ginauna laseni te fakarhidi iagho naiknore.

Profet Hosia 4:12

Eghuteuna ghotilo tarai koba ka mumuju teke hohoro kolho naikno igre, mala falalase ranghi ghami gaoghathodi nomi mifire. Te chekeni koba ghotilo na, vido gaju teke hohoro ghotilo themi igre nate falalase ka ghotilo unha te magnahaghei laseni ghotilo na. Ka puhi igre te ghatho iho ghau iara ghotilo na, eghume, ghotilo jateula gaꞌase te ghatho ihoni khetogna na te snakreni thinigna na ka keha nalhaꞌu delei ra eghu. Ghotilo lisa lao ghami themi mala nogna naikno mumuju, mala funei frunidi mumuju nakarhami are.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Jone 8:45

Nu iara chekeni ka ghotilo u glepo tutuani na. Naugna igne ghotilo theome fatutuanidi unha te chekedi iara re.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Isaia 28:7

Hatimare mae profet nei hatimare mae pris teu igre jaola koꞌu thaviru ka waen, eghuteuna mare theome tangomana te kegra haghe na, theome tangomana te ghaoghatho fakeli na, nei jaola theome tangomana te eni kaisei gloku na, naugna mare koꞌu ne thaviru ka beer. Mae profet gre koꞌu thaviru fara, eghuteuna mare theome tangomana te filo glanidi re gaoghathodi mifi te fakakhana Lord ranghidire. Mae pris gre jaola koꞌu thaviru, eghuteuna mare theome tangomanadi te fadoglidi nodi puhi iheire te mei ka mare te mala toghodi teure.

Nodi Khoje Hatimare Mae Jiu 147:20

Mana theome edi glepo igre maladi naiknodi keha kantri delei. Theo, mare theome lasedi nogna famane farirhiu mana re. Tahati kilo fnaknoni Lord!

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Letas Teke Riso Tei Mae Pol Ka Khiloau Rom 3:7

Jame keha naiknore cheke eghu, “Neuba tahati ne theome fatutuani ni nogna cheke mana na ba theome eni unha te chekeni mana na, tahati thofno laseni God te tajini nogna nhaꞌa cheke te mala fablahi ghita na. Eghume kate eni nakhibo na, tahati tusu ranghidi naiknore gaoghatho te mala cheke fakelini God nei chekeni God na keli fara naugna mana ne tajini nogna nhaꞌa cheke na.” Ba, igne tutuani? Theo fara! Nu jame neuba keha naiknore ne leghuni gaoghatho tuana ba cheke eghu ka God, “Naugna unha iagho ne para ghami ghehati eidi nakhibomi gre? Eigna ghehati laseni puhimu iagho na thofno tutuani fara!”

Nodi Khoje Hatimare Mae Jiu 78:40

Kmana fata kate au mare ke lamna namono nagou na, mare tirodini, nei fadiꞌa nagnafani eghu mana.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Matiu 20:24

Keha nabotho mae fanomhore nomhini igne ne diꞌa tadi fara ka phia mae thabusigna igre.