Hibru 2:4 - Buka Blahi Ka Cheke Holo

⁴ God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Hibru 2:4 ပူးပေါင်းရင်းမြစ်များ

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Jone 4:48

Mae Jisas ne cheke eghu ka mae biꞌo na, “Ghotilo magnahaghei te kulu filodi ghu kofubobhoi nei fagaglana teu te edi iara re ame fatutuani ghau nga iara eghu.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Nonomho Te Keli Teke Risoi Mae Mak 6:14

Mae King Herod nomhidi kmana thoutonu eigna mae Jisas, naugna mana gognarona fnakno fara heva te heva na. Keha naiknore ne cheke eghu, “Mae igne mae Jone Apublahi. Mana kela karha fapulo! Naugna tuana te au nolaghi mana te edi kofubobhoi igre.”

Mae Khuru 5:32

Ghehati cheke thakledi glepo igre, nei jaola mae Tharunga te Blahi na. God tusu meini mae Tharunga te Blahi ka iheire te leghuni mana.”

Efesus 4:7

Kraes neke tusu ranghi ghita soasopai khokofakasai te mala loku ranghini God leghuni thofno gaoghathogna.

Hibru 6:4

Naugna keha naikno khiloaure theome tangomana te hogri nagnafa teke figri ka mae Kraes na. Kaisei fata mare neke auhi ka naphaegna God. Mare jaola hatahi unha teke tusu mei God funugna kligna nei mae Tharunga te Blahi la auhi ke lamnadi.