Hibru 2:17 - Buka Blahi Ka Cheke Holo

¹⁷ Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 2:17 ပူးပေါင်းရင်းမြစ်များ

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Hibru 3:5

Mae Moses mala reireghi fakelini tharaknagna God nei edi unha teke magnahaghedi God re. Nogna gloku mae Moses igne mala toutonuni unha nate chekeni God thogheiro eigna Kraes. Eigna mae Moses kaisei mae gloku kolho.

Kolose 1:21

Tifa na, ghotilo neke fnota ka God. Ghotilo neke nogna naoka mana nei tiromini mana ka gaoghathomi te diꞌare nei ka gloku fateo te diꞌa teke edi ghotilo re.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Efesus 2:16

Kate lehe kau gaju fafatha na, Kraes neke fahuhui puhidi mare te au naoka fabrahu igne. Mana neke salo fodu phei nafnata naikno igre mala kaisei thini ngala, eghuteuna ke hata fapulodi ka God.

Letas Teke Riso Tei Mae Pol Ka Khiloau Rom 15:17

Naugna iara kaisei balugna mae Jisas Kraes, iara tangomana te fahaehagheni nogu gloku ranghini God na.

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.

Hibru 3:2

God neke vahini mae Jisas mala edi gobigna lepo te magnahaghedi mana re. Tutuani, mae Jisas neke thofno leghuni u chekegna God jateula mae Moses teke leghuni chekegna God na teke batudi nogna naikno God ra eghu.

Profet Esikiel 45:20

Eghuteuna ka fafitu naranegna nhigra igne, ghotilo eni jateula igne eghu mala hata koko nakhibodi iheire te theome laseni te hata koko nakhibo gna thegna na, ba iheire te theome laseni kolho te au teu ka nakhibo na. Ka puhi igne, ghotilo ginauna tangomana te eni nogu Sugablahi iara igne te mala gae ka tathagu iara na.

Profet Esikiel 45:17

King igne ginauna hata mei fafara te thofno krono fara na, eghuteuna fafara ka flaoa ka famane wit, nei fafara teke tofa waen naikno rhegna olta na. Fafara igre ginauna mala Gaghamu Khafa, nei narane Sabat, nei keha narane biꞌo te vavahi iara malami ghotilo naiknomi Israel. King ginauna famei glepo igre mala fafara mala ke doglo naikno na ka tathagu iara na, eghuteuna flaoa ka famane wit, nei fafara te thofno krono, nei fafara te mala laseni te au fakeli naikno na balugu iara. Jame te eni ghotilo igne na, ghotilo naiknomi Israel te gnafa igre ginauna doglo ka tathagu iara na.”

Profet Esikiel 45:15

Eghuteuna kate au phei gobi sipu ba nanigot ghotilo ka vido aheva te au famane buburu na, ghotilo hata mei kaisei ka iara. Ghotilo hata glepo igre mala ei fafara ka flaoa ka famane wit, nei fafara te thofno krono fara, u fafara te mala laseni te naikno na au fakeli balugu iara. Jame te eni ghotilo igne na, ghotilo ginauna na doglo ka tathagu iara na. Igne nogu cheke iara Lord God.

Profet Isaia 11:5

Mana ginauna funei frunidi nogna naiknore ka puhi te doglo ka tathagna God. Eghuteuna leuleghu fata na mana ginauna leghudi fabrahu nogna vetula God re.

Fapea Kronikols 29:24

Mae pris igre ne aknu falehe nanigot igre. Eghuteuna mare ne nhaꞌa lao dadaradi re ke kligna olta. Igne fafara ranghidi naikno te gnafa ka vikegna Israel te mala doglo ka tathagna Lord. Mare eni igne naugna king neke cheke ka mare mala eni fafara te thofno krono fara, eghuteuna mare fafara mala kafe doglo mare ka tathagna Lord.

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Levitikas 14:18

Ke leghu, vido oliv oel salaꞌui teku ka khame gna pris na, mana mala tofa lao ka phaꞌugna mae tuana. Eghume ka puhi igne, mana eni mae tuana mala klino ka tathagu iara na.

Levitikas 16:16

Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.

Naba 15:25

Aonu mae pris ginauna tarai nei ghusna ghau iara mala atha koko nakhibomi ghotilo re. Eghuteuna naugna te theome laseni te nakhibo thedire, ghotilo ginauna fafara mei kaisei buluka mala gna fafara te blahi na, eghuteuna jaola ke fafara mei nanigot mala ke doglo ghotilo ka tathagu iara na.

Hibru 2:16

Naugna te laseni tahati na mae Jisas gne theome mei mala toghodi u engel gre, nu mala togho ghita tahati vikegna mae Ebraham.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 5:1

God tangomana te vavahi mae pris biꞌo maladi naiknore. Mana kegra ke ulugna God mala kilo fnaknoni mana balu fafara mala hata fadeleidi nakhibodi naiknore.

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Hibru 5:5

Mae Kraes jaola neke theome vahini thegna mala hata u nafnakno te mala kaisei mae pris biꞌo na, theo! Nu God neke vahini mana neke cheke eghu ka mana, “Iagho mae Thugu iara, funu gognaro iara mae Kmamu iagho.”

Hibru 5:10

Eghuteuna God neke vahini mae Jisas mala kaisei mae pris biꞌo jateula mae Melkisedek.

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Hibru 8:1

Unha te chekeni ghehati na igne: tahati au kaisei noda mae pris biꞌo mala kegra tughu ghita. Mana gnokro fei nhetagna God ka sape nafnakno kligna.

Hibru 8:3

Mae pris biꞌo te gnafare hata gloku igne mala fafara nei cheke fakelini God baludi keha nafnata fafara langau. Eghume noda mae pris biꞌo tahati na mana mala eni langau kaisei fafara ka God.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Hibru 10:21

Mae Jisas Kraes ngala mae pris biꞌo te mala reireghidi nogna naikno God re.