Hibru 2:15 - Buka Blahi Ka Cheke Holo

¹⁵ Eghuteuna, mae Jisas neke vuhai naikno mala tangomana te snagla iheire te mhaghuni glehe fabrahu funu tifa.

Hibru 2:15 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Nodi Khoje Hatimare Mae Jiu 55:4

Iara mhaghu nogu fara, eigna mhaghu glehe na au ka iara.

Nodi Khoje Hatimare Mae Jiu 89:48

Ihei gne nate karha fabrahu te theome lehe na? Tore, theo kaisei naikno nate rikha kokoni u glehe na.

Nodi Khoje Hatimare Mae Jiu 56:13

Eigna iagho ne theome snakreni te lehe iara na ne fakarhi ghau iara. Eghume iara mala kaisei thei ngala balumu iagho ka vido aheva te au iagho baludi nou naiknore te phae fabrahu na.

Nodi Khoje Hatimare Mae Jiu 33:19

Mana reireghidi ka glehe nei ka glehe rofo.

Thoutonu Eigna Mae Job 24:17

Te grughu bongi igne te nodi hamerane mare na. Nu mare kheradi fofodu naitu te au kate romno te mhaghudi naiknore.

Thoutonu Eigna Mae Job 18:11

Puhi biꞌo te mhaghudi mana igre au faligohonihi mana. Uve, puhi biꞌo igre leghuni mana ka vido te gnafa aheva te tei mana tagna na.

Galesia 4:21

Ba, ghotilo iheire te magnahaghei leghuni vetula na, ghotilo theome laseni unha te thofno chekeni ka vetula na?

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Thoutonu Eigna Mae Job 18:14

Fogra igne hata fajiflani mana ka nogna suga tapuale na. Eghuteuna huhuruni mana mala tei ka nodi king mae iheire te lehe ra.

Hibru 2:16

Naugna te laseni tahati na mae Jisas gne theome mei mala toghodi u engel gre, nu mala togho ghita tahati vikegna mae Ebraham.