Hibru 2:14 - Buka Blahi Ka Cheke Holo

¹⁴ Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Hibru 2:14 ပူးပေါင်းရင်းမြစ်များ

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Ululahu Korin 15:50

Kheraguro, iara magnahaghei te chekeni ka ghotilo igne, thinigna naikno na theome tangomana te tei thoke kligna na. Uve, thini na theome tangomana te au raugha na naugna glepo mala boto kolho. Eghuteuna glepo te mala boto na theome tangomana te au fodu balugna glepo te theome boto kligna na.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Hibru 2:18

Eghuteuna gognaro na mae Jisas tangomana te togho ghita tahati naikno te huhuru ghita mae Satan te mala edi glepo te diꞌare, naugna mae Jisas jaola neke au papara kani teke fariuriuni mae Satan mala jafra mana teku na.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Jone 12:24

Tutuani fara te chekeni iara ka ghotilo na. Jame kaisei sisi sopho koko soru ka glose na eghuteuna lehe, sisi tuana ginauna kotu haghe, eghuteuna ginauna ure sisi kmana. Nu jame te theome koko soru sisi tuana ka glose te lehe na, sisi tuana ginauna na kaisei fabrahu kolho.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Thakle 20:2

Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 10:5

Eghume, kate mei mae Kraes kau nauthoglu igne, mana ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nu iagho tarabanahi thinigu iara gne mala fafara ka iagho.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Ululahu Pita 1:20

Ame vuvuha nga nauthoglu igne teku na, God neke kulu vahini mae Kraes mala fakarhi ghami ghotilo. Eghuteuna gognaro na, mae Kraes na la meihi mala togho ghami ghotilo ka narane leghu lahu igre ka nauthoglu igne.