Hibru 13:9 - Buka Blahi Ka Cheke Holo

⁹ Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Hibru 13:9 ပူးပေါင်းရင်းမြစ်များ

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Letas Teke Riso Tei Mae Pol Ka Khiloau Rom 14:6

Mae ihei te ghathoni kaisei narane na ulu fara teuna, mana eni igne naugna mana ghatho tahuni Lord. Eghuteuna mae ihei te ima thua nafnata gano na, mana eni igne naugna mana ghatho tahuni Lord, eghuteuna mana jaola cheke fakelini God eigna gano tuana. Eghuteuna mae ihei te theome ima thua nafnata gano na, mana eni igne naugna mana ghatho tahuni Lord, nei jaola cheke fakelini God eigna gano tuana.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 24:4

Mae Jisas ne cheke eghu ka mare, “Fiofilo ghami, na eghunu mei chaghi ghami mare eghu.

Kolose 2:4

Gognaro na iara theome au balumi ghotilo nu nagnafagu na auhi balumi ghotilo. Tutuani iara gleale'a fara te filoni nakarhami nei nomi fatutuani te heta ka mae Kraes. Nu neuba iara chekeni igne ka ghotilo eigna iara theome magnahagheni kaisei naikno te chaghi ghami ghotilo ka nogna cheke te famaemahe fara igre. Naugna cheke igre mala batu fadelei ghami ghotilo mala theome fatutuani ni Kraes. Cheke te famaemahe igre keli fara fanomhodire nu chaichaghi kolho eghu.

Fapea Korin 1:21

God thegna te togho ghami ghotilo nei togho ghami ghehati teu te mala au rheta noda fatutuani na ka Kraes. God thegna neke vahi ghita mala nogna naikno mana.

Ululahu Korin 8:8

Nu gano na theo nogna nolaghi te mala hata gita te ari namo ka God na. Jame te tiroda ima tahati na, tahati theome au khaba ka God. Eghuteuna neubane ima tahati nafnata gano igne, gano tuana theome mala fakeli ghita ke ulugna God.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Letas Teke Riso Tei Mae Pol Ka Khiloau Rom 14:2

Nogna fatutuani kaisei mae na snakreni mana mala ima thua nafnata ganore. Nu kehare ghatho peapea unha te keli ranghidi naikno khiloaure, mana theome ima nafnahi.

Mae Khuru 20:32

“Gognaro na iara lisa lao ghami ghotilo ka khamegna God. Mana la kulu tusu arihi ka ghotilo nogna Nonomho te Keli na nei chekeni te namha ghami ghotilo na. Eghuteuna mana tangomana te taji ghami ka cheke igre. Mana ngala te tangomana te farheta ghami nei tusu ranghi ghami glepo te keli na baludi keha nogna naiknore.

Fapea Tesalonika 2:2

Ghehati tore ghami ghotilo fara mala thosei ghosei diꞌanagnafami ba rhana nomi kate nomhidi ghotilo nafnata cheke igre, “Narane gna Lord na la meihi.” Glahu chaghi mare cheke eghu, mae Tharunga te Blahi teke cheke eghu na, ba ghehati teke cheke na, ba teke risoni ghehati ka letas na.

Ululahu Korin 6:13

Keha mae na jame jaola cheke eghu, “Thi'a na malagna gano, eghuteuna gano na malagna thi'a.” Uve. Nu God ginauna kafe roꞌedi phei glepo igre. Nu ghotilo theome tangomana te chekeni thini na mala gnognoro teuna. Naugna thini na mala loku ranghini Lord, eghuteuna Lord na mala funei frunini u thini na.

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Nodi Khoje Hatimare Mae Jiu 112:8

Mana theome tangomana te ghatho peapea nei mhaghu teuna, naugna mana laseni nogna naoka mana re ginauna theo nafudi kolho.

Luku 5:38

Eghume tahati totoho waen majaghani na kau duku te majaghani.