Hibru 13:4 - Buka Blahi Ka Cheke Holo

⁴ Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Hibru 13:4 ပူးပေါင်းရင်းမြစ်များ

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Galesia 5:19

Naugna unha te thofno magnahagheni naiknogna nauthoglu na, glepo igre na thakle mei ka unha te edi mana re: mhala, nakarha thona, gnognoro,

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Ululahu Timoti 3:12

Mae ihei te mala totogho ka khiloau na mala tolaghi ka kaisei gaꞌase ngala, eghuteuna mana mala reireghi fakelidi khetogna nei thugnare nei iheire te au ka nogna khora suga na.

Ululahu Timoti 3:4

Mana mala reireghi fakelini tharaknagna thegna na ba farirhiu fakelidi thugnare mala leghuni ba ghatho tahuni eghu mana.

Ululahu Korin 7:38

Eghume mae ihei te tolaghi na, mana eni glepo te doglo na. Nu mae ihei te theome tolaghi na, mana eni glepo ke ulu tulaoi.

Jenesis 2:21

Aonu Lord God ne fathuruni mana ne thuru iho fara. Kate thuru iho teu mana na, God ne hata kaisei gaogaro ka thinigna mana na, eghuteuna ke lilisei fapulo guli ka vido aheva teke hata fajifla mana u gaogaro tuana.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Ululahu Korin 9:5

Eghuteuna jame magnahagheni iara na, iara jaola tangomana te hata kaisei gaꞌase khiloau te mala tei balugu ka nogu gloku na, jateula te edi keha mae khurura eghu, hatimare mae thabusigna Lord, nei mae Pita teu ra neke eni igne.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Profet Isaia 8:3

Theome raugha, khetogu iara na la bukla, eghuteuna naꞌa na au kaisei mae sua nalhaꞌu. Aonu Lord ne cheke eghu ka iara, “Iagho kiloni nanghagna mae sua igne, ‘Mahea-Salal-Has-Bas’.

Fapea Kings 22:14

Mae pris Hilkaea, mae Ahikam, mae Akiboa, mae Safan nei mae Asaia eghu tei ne toutonudi glepo igre ka kaisei profet gaꞌase, nanghagna na Hulda khetogna mae Salum thugna mae Tikva, thugna mae Hahas. Mae Hahas gne mae ihei te mala reireghidi pohe gna Sugablahi na. Profet Hulda gne au Jerusalem ka fapea distrik.

Hibru 12:16

Thosei snakreni kaisei naikno te mala eni tafri puhi te diꞌa na ba mala jateu mae Iso teke theome ghathoni God tifa ia eghu. Mae Iso gne neke kulu karha mala khotodi nogna glepo mae kmagna re. Nu mana neke kafe fofoli fahui malagna kaisei vido gano kolho ka mae tahigna na.

Levitikas 18:20

“Eghuteuna blahi mae ihei te thuru balugna khetogna mae kheragna na, naugna puhi igne fathonani mana ka tathagu iara na.

Diutronomi 22:22

Mae Moses ne cheke eghu, “Jame ghotilo filoni kaisei mae tapla jafra ka khetogna keha mae na, ghotilo fadidi repa ka thina mala ghilei lehe repa. Ka puhi igne ghotilo ginauna koko puhi te diꞌa igne agne Israel.

Ululahu Korin 6:18

Ghotilo thosei leghuni puhi gnognoro na! Keha nakhibo te edi naiknore au ka gaoghatho kolho theome loku fodu ka thini. Nu iheire te gnognoro re thofno fathonadi fara thinidi thedire.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Levitikas 15:18

Eghuteuna jame kaisei mae thuru balu gaꞌase, te eghu na, repa mala apu, eghuteuna repa theome klino ka tathagu iara na ghilei rafi.

Thoutonu Eigna Mae Job 31:12

Nafnata nakhibo te tapla jafra igne jateula khaꞌaghi biꞌo te nhako te tei thoke Gehena ia eghu. Eghuteuna tangomana te nhako fateo gobigna lepo te khotodi iara re.