Hibru 13:21 - Buka Blahi Ka Cheke Holo

²¹ Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Hibru 13:21 ပူးပေါင်းရင်းမြစ်များ

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Fapea Korin 9:8

God tangomana te tufa te salaꞌui unha te nabami ghotilo re. Eghuteuna igne kaisei fablahi biꞌo fara ka ghotilo! Ghotilo ginauna au kmana nomi gobigna lepo fabrahu, eghuteuna ghotilo jaola tangomana te au naba glepo te mala tufa ka gloku keli te gnafare.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Nodi Khoje Hatimare Mae Jiu 138:8

Lord God, iara laseni, iagho ginauna edi unha teke nhaꞌa chekedi iagho ka iara ra, naugna nou namha iagho ka ghehati na theome tangomana te hui na. Thosei tei koko ghami ghehati nou naikno iagho teke vuavuha themu gre sagho.

Thakle 5:13

Aonu iara ne nomhidi gobigna lepo teke vuavuha God te au kligna ba ka nauthoglu igne ba ka namonodi iheire tekela lehehira ba ke lamna thongna. Mare ne kafe koje eghu, “Tahati cheke fakelini fabrahu mae ihei te gnokro ka nogna sape nafnakno mae King na nei balugna mae Lam tifa tifa. Tahati fafnaknodi phiamare nei pala haghe nanghadire, nei cheke fakelini nodi nolaghi te biꞌo nei nanheta.”

Thakle 4:6

Eghuteuna ke ulugna nogna sape nafnakno mae King na au glepo jateula nhorora eghu, nu jateula thiro eghu te tangomana iara te filo laoni. Aonu fati glepo te karha ne kegra falithui ka fati philegna nogna sape nafnakno mae King na. Glepo te karha igre au kmana tatha ka thinidire, ke ulu nei ke leghu.

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Kolose 3:20

Ghotilo goro suara, leghudi idomi kmami are, naugna noda Lord na keli tagna fara ka igne.

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Galesia 1:5

Tahati kilo fnaknoni God tifa tifa. Amen.

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Letas Teke Riso Tei Mae Pol Ka Khiloau Rom 16:27

Ka nanghagna mae Jisas Kraes, tahati cheke fakelini tifa tifa kaisei God mae ihei ngala te lalase fara. Amen.

Jone 17:23

Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Matiu 21:31

“Mae ihei ka phia mae sua igre te leghuni chekegna mae kmagna na?” Hatimare mae pris nei hatimare mae biꞌo teu gre ne cheke eghu ka mana, “Mae sua ke ulu gne.” Mae Jisas ne cheke eghu ka mare, “Tutuani fara, te chekeni iara ka ghotilo na. Hatimare mae te diꞌa te salo takis nei goro gaꞌase vine teu igre ginauna au ke lamnadi naikno te funei frunidi God igre ame ghotilo nga eghu.

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Fapea Timoti 3:17

Ka puhi igne tahati nogna naikno God ra ginauna nabada fara te edi gloku te keli fateote'o.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.