Hibru 13:20 - Buka Blahi Ka Cheke Holo

²⁰ Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Hibru 13:20 ပူးပေါင်းရင်းမြစ်များ

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Nodi Khoje Hatimare Mae Jiu 23:1

Lord na reireghi fakeli ghau iara jateula kaisei nogna sipu eghu. Eghume iara theome kmoꞌe kaisei glepo.

Letas Teke Riso Tei Mae Pol Ka Khiloau Rom 15:33

Iara toreni God mae ihei te tusu ranghi ghita pharikeli mala au balumi ghotilo gnafa. Amen.

Profet Esikiel 37:26

Iara ginauna eni kaisei nhaꞌa cheke pharikeli baludi mare, u nhaꞌa cheke igne ginauna theome tangomana te gnafa na. Uve, iara ginauna fablahidi mala thovu mare. Eghuteuna nogu vido blahi iara igne ginauna kegra fabrahu ka nodi namono mare igne.

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Profet Sekaraea 9:11

Lord ne cheke eghu, “Iara neke nhaꞌa chekehi balumi ghotilo, eghuteuna dadaradi fafara ra thofa soru mala farerheta gna nhaꞌa cheke igne. Eghume, iara ginauna togho ghami ghotilo mala snagla tei ghotilo ka vido aheva teke huhuru ghami mala tei au tagna, aheva jateula seu teu te theome au kaisei khoꞌu tagna.

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Eksodas 24:8

Aonu mae Moses ne atha dadara te au ka dis na igre ne fuafusa ke klignadi naiknore, ne cheke eghu, “Igne u dadara te mala farerhetagna u nhaꞌa cheke te eni Lord balumi ghotilo gognaro igne.”

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Profet Isaia 63:11

Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Ululahu Kronikols 16:17

Ke leghu na, mana neke enila nhaꞌa cheke igne balugna mae Jekop, eghuteuna nhaꞌa cheke igne ginauna theo ka huigna.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Hibru 9:20

Kate fuafusa te gnafa ke klignadi u dadara na, mana ne cheke eghu, “U dadara igne mala farerheta gna u nhaꞌa cheke teke eni God mala leghuni ghotilo teku ia.”

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Filipae 4:9

Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Mae Khuru 5:30

Ghotilo neke faleheni mae Jisas ka teke tupijuruni mana ka gaju fafatha na. Nu nodi God mae kuꞌeda tahati tifa ra neke fakarha fapuloni mana.

Matiu 26:28

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Galesia 1:1

Mae Jisas Kraes nei God Kmada neke vahi ghau iara mae Pol mala kaisei nogna mae khuru. Naiknore neke theome vahi ghau iara, eghuteuna theo kaisei naikno teke tusu mei ka iara u nolaghi te mala loku jateula mae khuru. Nu God mae ihei teke fakarha fapuloni mae Jisas kau glehe ia teke eni igne ka iara na.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Fapea Korin 4:14

Ghehati laseni God na neke fakarha fapuloni noda Lord Jisas Kraes. Eghuteuna mana ginauna nake fakarha fapulo ghami ghehati jateula mae Jisas eghu. Eghuteuna mana ginauna hata ghami ghehati tei balumi ghotilo ka thofno namono gna mana na. Tahati ginauna kegra fodu ke ulugna mana jare.

Ululahu Korin 15:15

Eghuteuna keha glepo na teuna ghehati jame jaola chaghi kolho eigna God, kate chekeni ghehati God neke fakarha fapuloni Kraes ka glehe teuna. Naugna ghehati thofno toutonu eigna mana teke fakarha fapuloni kau glehe na. Eghume jame te theome karha fapulo naiknore ka glehe na, faꞌunha eghu tangomana God teke fakarha fapuloni Kraes kau glehe?!

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Ululahu Korin 6:14

Tutuani, ka nogna nolaghi God neke fakarha fapuloni Lord Jisas kau glehe, eghuteuna God ginauna jaola fakarha fapulo ghita ka nogna nolaghi na.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Mae Khuru 13:30

Nu God neke fakarha fapuloni mana kau glehe!

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Luku 22:20

Ke leghugna te gnafa ima na, mana jaola neke hata hinao na, ne cheke eghu, “Waen igne fagaglana gna nhaꞌa cheke majaghani teke eni God ka nogna naiknore. Eghume nhaꞌa cheke majaghani igne fufunu ka dadaragu iara te thofa te mala fakarhi ghami ghotilo gnafa.”

Nonomho Te Keli Teke Risoi Mae Mak 14:24

Mana ne cheke eghu, “Igne dadaragu iara na, farerhetagna nhaꞌa cheke majaghani teke eni God ka nogna naiknore. Dadara igne thofa mala fakarhidi naikno te kmanare.

Profet Esikiel 37:24

“ ‘Iara ginauna vahini kaisei mae ka vikegna nogu mae gloku iara King Devet mala kaisei mae king biꞌo, eghuteuna mana ginauna reireghi fakelidi mare jateula mae ihei te reireghi fakelidi nogna sipu ra eghu. Eghuteuna mare ginauna leghu fakelidi nogu vetula nei nogu cheke teu iara re.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Letas Teke Riso Tei Mae Pol Ka Khiloau Rom 10:7

Jaola, thosei cheke eghu, “Ihei nate soru ka namonodi mae teke lehe hira?” Gaoghathogna na, “Mae ihei nate soru te mala hatani Kraes mala ke karha fapulo?”