Hibru 13:11 - Buka Blahi Ka Cheke Holo

¹¹ Tifa na, mae pris biꞌo na tangomana te hata dadara buluka na neke ruma ka chogho te blahi fara na. Mana fafara jare mala koko nakhibo. Nu mare faghamu khaꞌaghi fateo thinidi bulukare ke kosi namono Jerusalem.

Hibru 13:11 ပူးပေါင်းရင်းမြစ်များ

Levitikas 16:27

Eghuteuna mare hata ne tei keha vidodi buluka igne nei nanigot eghu teke fafara pris biꞌo igne mala ke doglo ghotilo ka tathagu iara na, eghuteuna dadara teke hata teke mei pris Eron lamna ka Chogho te Thofno Blahi fara na. Mare mala hata tei thinidi phei glepo igre balu gulidi nei butudi eghu mala tei gnubra ke kosigna vido te au ghotilo tagna.

Eksodas 29:14

Fafara igne mala doglo mae pris gre ka tathagu iara na. Nu nafnahi balu guligna, nei glepo diꞌa te gnafa lamna ka thiꞌagna na, iagho atha tei mala gnubra ke kosi nou namono. Iagho fafara buluka nalhaꞌugna igne mala atha koko nakhibodi hatimare mae pris.

Naba 19:3

Ghotilo ginau tufa lao buluka tuana ka mae pris Eleasa. Eghuteuna mana ginauna atha tei ke kosigna namono te au ghotilo na, mala falelehe buluka na.

Levitikas 9:11

Nu mana atha ne tei nafnahigna buluka na balu guligna na mala gnubra ke kosigna vido te au mare tagna na.

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Levitikas 9:9

Eghuteuna thugna mana igre ne atha dadaragna buluka igne, ne tusu lao ka mana, aonu mana ne tihi lao geghesugna na ka dadara igne ne lilisei ka fati honagna olta na. Eghuteuna mana totofa vido dadara teke salaꞌui igne ka pesigna olta na.

Naba 19:7

Ke leghugna tuana, mana mala wasi nogna pohe re nei apu eghu, ame tangomana nga mana te jugru mei ka vido te au ghotilo na eghu. Nu mae pris igne ginauna theome klino ka tathagu iara na ghilei plulu naprai na.

Profet Esikiel 43:21

Eghuteuna iagho hata buluka nalhaꞌugna igne mala fafara mala doglo naiknore ka tathagu iara na, eghuteuna gahu ka vido aheva teke enihi iagho kosi ka glalaba falithuini nogu Sugablahi iara na.

Levitikas 6:11

Aonu mana tei tughu nogna pohere, eghuteuna ke pulo mei mala atha nakrofu igre tei kosi ka vido te au ghotilo na tei ka kaisei vido te gae ka tathagu iara Lord na mala totofa ka vido tuana.