Hibru 12:9 - Buka Blahi Ka Cheke Holo

⁹ Neubane para ghita koba mae kmada te gnafa ka nauthoglu gne, tahati ghatho tahudi koba mare. Naugna igne thofno keli fara tahati te leghuni mae Kmada te au kligna na mala au ka karha balugna mana.

Hibru 12:9 ပူးပေါင်းရင်းမြစ်များ

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 27:16

“Lord, iagho ngala God te funei frunidi iheire naikno te karha igre, eghume iagho vahini kaisei mae mala ke batudi naiknodi Israel gre.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Thoutonu Eigna Mae Job 12:10

Gobigna lepo te karha igre, au kolho ka thatabla khamegna mana. Eghuteuna nakarhagna naikno na, jaola au ka khamegna mana.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Profet Isaia 38:16

Lord, naugna iagho te tajini fabrahu nou nhaꞌa cheke na, ghehati naikno gre au fabrahu ka nakarha igne. Iagho la hata fadeleihi fogragu iara na, eghuteuna iagho snakre ghau iara mala karhau.

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Jemes 4:7

Eghume, iara magnahaghei ghami ghotilo te leghuni koba unha te chekeni God na, thosei leghuni unha te chekeni mae Satan na. Aonu, mae Satan ginauna na rikha koko ghami ghotilo.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Letas Teke Riso Tei Mae Pol Ka Khiloau Rom 1:3

U Nonomho te Keli igne eigna Thugna Jisas Kraes noda Lord. Mana neke karha mei ka vikegna mae King Devet. Eghuteuna mana mae blahi jateula God eghu, eghuteuna God neke fakarha fapuloni mana ka nogna nolaghi biꞌo na nei mala laseni naiknore mana te thofno Thugna God na.

Mae Khuru 2:30

Nu mae Devet gne neke kaisei mae profet, eghuteuna mana laseni u nhaꞌa cheke teke eni God ka mana nate mala kaisei mae ka vikegna thegna mala kegra funei biꞌo jateula mana eghu.

Luku 18:2

Mae Jisas ne cheke eghu, “Kaisei fata, kaisei mae fate au jare ka kaisei namono. Mae igne theome ghatho tahuni God, nei theome nanga dila naiknore eghu.

Luku 18:4

“Nu mae fate igne ne tirogna toghoni naikno biꞌo na. Leghu lahu na, mae fate igne ne cheke eghu ka gaoghathogna thegna na, ‘Tore, iara babaꞌo nogu fara ka unha te chekeni koba naikno biꞌo igne. Nu neuba ngau iara ne theome ghatho tahuni God nei theome ghatho tahudi naiknore neu,

Thakle 22:6

Mae engel na neke cheke eghu ka iara, “Cheke igre tutuani fara, eghume iagho tangomana te fatutuanidi. Lord God mae ihei teke tusu lao nogna cheke na mala rioriso soru hatimare mae profet. Mana jaola neke kuru mei nogna engel na mala falalase ka nogna mae glokure glepo na theome raugha te thakle mei ginauna.”

Profet Isaia 45:10

Kokhoni ghami fara ghotilo iheire te cheke eghu ka idomi nei kmami teura, “Naugna unha si ghopa te eni eghu ghau kolho iara gnea?”