Hibru 12:7 - Buka Blahi Ka Cheke Holo

^7-8 Eghume thosei diꞌanagnafa kate kabru ghemi eidi unha te para ghami mae Mama na. Naugna mana para ghami ghotilo jateula kaisei thugna eghu kolho. Sua te gnafare mae kmadire paradi koba. Jame te theome para ghami God na, ghotilo theome thofno thugna mana nu ghotilo goro sua glalaba kolho.

Hibru 12:7 ပူးပေါင်းရင်းမြစ်များ

Proveb 19:18

Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.

Diutronomi 8:5

Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.

Proveb 29:15

Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Proveb 29:17

Jame te fadoglini iagho thumu na, iagho ginauna au blagna nei glealeꞌa eghu.

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Ululahu Samuel 2:34

“Unha nate filoni iagho ka phei mae thumu iagho, mae Hofni ghe mae Finihas igre, phiamare ginauna kafe lehe ka kaisei narane kolho, igne kaisei fagaglana te mala laseni iagho unha teke chekedi iara ka iagho ra thofno tutuani fara.

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Ululahu Korin 11:32

Nu kate farirhiu ghita na, Lord na togho ghita mala laseni tahati puhi te doglo na. Mana eni igne ka tahati mala theome au tahati kau fate ginauna baludi naikno te theome fatutuani ni mana re.