Hibru 12:6 - Buka Blahi Ka Cheke Holo

⁶ Naugna God farirhiudi naikno te namhani mana re nei mana tangomana te puridi ka puhi farirhiu naikno te gnafa te kilodi goro thugnare.”

Hibru 12:6 ပူးပေါင်းရင်းမြစ်များ

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Proveb 3:12

Naugna Lord na fadoglini ihei te namhani fara mana na, jateula mama te fadoglini thugna te namhadi fara mana na.

Nodi Khoje Hatimare Mae Jiu 119:75

Lord, God, iagho fatedi naiknore ka puhi te doglo. Uve, iagho para ghau iara eidi nakhibogu iara re, naugna iagho ne tajini nou nhaꞌa cheke na.

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Nodi Khoje Hatimare Mae Jiu 94:12

Lord God, mae ihei te tusu lao iagho nou cheke na tagna nei farirhiuni nou famane farirhiu iagho re tagna teuna, mana keli tagna fara.

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Profet Jeremaea 10:24

Lord fadoglini nakarhagu gne, nu eni ka puhi te doglo kolho. Jame te fadogli ghau iara iagho kate diꞌatamu na, iara ginauna na theo nafugu kolho.

Diutronomi 8:5

Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Nodi Khoje Hatimare Mae Jiu 119:71

Thofno keli fara teke au papara iara na, mala lasedi iara nou vetula iagho re.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Proveb 3:11

Thuguo, jame te magnahaghei fadogli nigho Lord te cheke faheta ka iagho na, iagho thosei diꞌatamu nei hongo nigho tagna.

Lamentations 3:39

Ba, keliu kolho te diꞌatada kate thoke mei papara biꞌo ka tahati eidi nakhiboda gre? Theola!