Hibru 12:3 - Buka Blahi Ka Cheke Holo

³ Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Hibru 12:3 ပူးပေါင်းရင်းမြစ်များ

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Jone 5:16

Aonu funu ka narane tuana, hatimare mae biꞌodi mae Jiure ne theome magnahagheini mae Jisas. Mare mei ka mae Jisas ne funu cheke faparini mana, naugna mana ne fakelini mae igne kau narane Sabat te blahi fara kau vetula na.

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Hibru 12:5

Eghuteuna, ghotilo neke la ghatho ihonihi nogna cheke farerheta God teke eni ka ghotilo goro thugna ra. Mana ne cheke eghu, “Thuguo, thosei jateula glepo te theo nafudi eghu kate para ghami God na. Kate cheke fabiꞌo tamu eidi nakhibomure, farerheta nagnafamu na.

Luku 14:1

Kaisei narane Sabat, mae Jisas ne tei ima ka sugagna kaisei mae biꞌodi hatimare mae Farasi. Naiknore ne fifilo fara ka mae Jisas mala filoni unha nate eni mana na.

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Fapea Tesalonika 3:13

Nu ghotilo kheraguro, thosei babaꞌo eigna te eni gloku te keli na.

Jone 18:22

Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”

Jone 8:52

Goro mae biꞌo re ne cheke eghu ka mae Jisas, “Uve, gognaro na ghehati lase nigho hi ka nou cheke themu re, iagho au kaisei naitu ke lamnamu. Naugna mae Ebraham ia la lehehi tifa nei hatimare mae profet ra jaola lehe hila. Nu te chekeni iagho na, ‘Mae ihei te leghuni chekegu iara na mana na theome lehe tifa e tifa.’

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Proveb 24:10

Jame te glaꞌe iagho kate thoke mei puhi biꞌo na, igne fagaglanagna te theome nheta kolho iagho na.

Jone 8:59

Kate nomhidi mare cheke te edi mae Jisas igre, mare atha thina ne rodi fada faleheni mana. Nu mae Jisas poru ne jifla ka Sugablahi na.

Jone 8:13

Hatimare mae Farasi ne cheke eghu ka mana, “Iagho khogla cheke leghudi kolho nou gaoghatho themu re. Eghume u nou cheke iagho tuare theome tutuani kolho. Ghehati theome fatutuanidi kolho nou cheke iagho re!”

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Matiu 21:46

Aonu, mare magnahaghei te lokini mana. Nu mare mhaghu te eni tuana, naugna naiknore fatutuani ni mae Jisas gne kaisei mae profet.

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Matiu 15:2

“Naugna unha si nou mae fanomho iagho gre te theome leghuni nodi farirhiu mae kuꞌeda tifa ra? Mare ne theome kulu titihi fakeli khamedire ne ghamu nga.”

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Jone 9:40

Keha mae ka hatimare mae Farasire nomhini cheke te eni mae Jisas igne ne cheke eghu, “Ghema, ne dofu ghehati eghu jau sagho?”

Jone 10:20

Kmana naikno ka mare ne cheke eghu, “Mae igne au kaisei naitu ke lamnagna la fanolini pha'ugna mana na! Ghotilo thosei lao fanomho ka mana!”

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.