Hibru 12:27 - Buka Blahi Ka Cheke Holo

²⁷ Kate chekeni igne, “Kaisei fata ginauna iara nake fakheuni nauthoglu igne”, cheke igre fathakleni ka tahati God ginauna jaola hata fadelei gobigna lepo teke kulu vuavuha mana gre. Eigna glepo teke vuavuha mana igre ginauna kheu. Aonu glepo kligna te theome tangomana kaisei naikno te fakheudire na au fabrahu.

Hibru 12:27 ပူးပေါင်းရင်းမြစ်များ

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Thakle 21:1

Ke leghu na, iara ne filoni kaisei nauthoglu majaghani balugna kaisei maloa majaghani, nu theo kaisei nhorora te au teu jare na. Eghuteuna nauthoglu balugna maloa teke kulu au ra ne dofidi.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Profet Esikiel 21:27

Roꞌe soru! Roꞌe soru! Iara roꞌe soru namono igne! Nu namono igne ginauna na theome jateula teke filoni naiknore ia eghu ghilei thoke mei nogna narane mae ihei teke vahini iara na mala parani namono igne. Ka narane tuana, iara ginauna lisa soru namono igne ke parigna nogna nolaghi mana.’ ”

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Profet Isaia 66:22

“Tutuani, maloa majaghani nei nauthoglu majaghani eghu teke vuavuha iara ka nogu nolaghi na igre ginauna au fabrahu tifa tifa ka tathagu iara na. Jateula tuana eghu ghotilo nei iheire nate karha mei ke leghumi ghotilo re ginauna au rheta fabrahu tifa tifa eghuteuna nanghagu iara na ginauna theo ka huigna.

Profet Hagae 2:21

ka Serababel mae gavana gna Juda. Mana ne cheke eghu, “Theome raugha iara ginauna fanghali di maloa ghe nauthoglu igre.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Hibru 1:10

God ne cheke eghu langau, “Lord, ka fufunu gna ia iagho neke hohoro u nauthoglu igne. Eghuteuna maloa gne neke hohoro ka khamemure.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”