Hibru 12:23 - Buka Blahi Ka Cheke Holo

²³ Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Hibru 12:23 ပူးပေါင်းရင်းမြစ်များ

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Hibru 11:40

Naugna God la kulu ghathonihi glepo te keli tulao malada tahati gnafa. Ke leghugna igne God ginauna na faklinodi baluda ngala tahati gnafa ke ulugna mana.

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Eksodas 4:22

Ka narane tuana iagho na cheke eghu ka king, ‘Igne unha te chekeni Lord na: Naiknodi Israel igre jateula thugu teke kulu karha ra eghu iara.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Nodi Khoje Hatimare Mae Jiu 94:2

Iagho ginauna fatedi naikno te gnafa gre. Paradi sagho naikno te fahaehaghe are, leghuni unha najafra teke eni mare na.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Ululahu Timoti 3:5

Eigna jame kaisei mae te theome baubatu fakelini tharaknagna na, mana ginauna theome tangomana te baubatu fakelini la nogna khiloau God na.

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Efesus 1:22

God lilisei gobigna lepo fateo ke parigna nogna nolaghi Kraes. God tusu ranghini Kraes u nolaghi mala pha'ugna khiloau mala jateula pha'udi eghu gobigna lepo te gnafare.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Ululahu Korin 15:54

Eghuteuna kate eni te hui igne, cheke te eghu ka grioriso te blahi na igne thofno tutuani fara, “Glehe na, God thofno roꞌenihi, nei tapla sorunihi eghu pari!”

Ululahu Korin 13:12

Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Eksodas 13:2

“Goro masitei teke kulu karha ka ghotilo mae Israel are nei unha teke kulu karha ka nomi buluka ba sipu teu ghotilo are eghu mala nogu iara.”

Eksodas 32:32

Neuba, iara tore nigho iagho mala atha koko nakhibodi naikno re. Nu jame te theo na, uve, iara tore nigho iagho mala ghiha koko nanghagu iara na ka buka teke rioriso nanghadi nou naikno iagho re ke lamnagna.”

Ululahu Korin 15:49

Tutuani, gognaro na tahati kaisei nanaba ka mae teke mei funu ka glose na, nu tahati ginauna mala kaisei balugna mae ihei teke mei funu kligna na.

Hibru 2:12

Tahati kafe laseni igne, naugna kau grioriso te blahi na mae Jisas ne cheke eghu ka God, “Iara ginauna na chekedi thabusigure unha te edi iagho re. Kate khapru te pogho soru nigho naiknore, iara ginauna kilo fnakno nigho balu koje.”

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”