Hibru 12:22 - Buka Blahi Ka Cheke Holo

²² Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Hibru 12:22 ပူးပေါင်းရင်းမြစ်များ

Filipae 3:20

Nu tahati naikno te fatutuani mae Jisas gre, u thofno namonoda na kligna, theome agne pari. Jare te mala au tahati ke leghugna u gleheda na. Gognaro na tahati ofoniu kolho noda Lord Jisas Kraes mae Fakarhai nake pulo mei funu kligna.

Galesia 4:26

Nu Jerusalem te au kligna na jateula gaꞌase te snagla eghu, eghuteuna naꞌa idoda tahati. Naugna tahati theome neke karha mei jateula mae sneka eghu.

Thakle 14:1

Aonu iara filo tei ne filoni Lam te kegra teu ke kligna gna Thogele Saion, eghuteuna kaisei gobi phiatutu fati thogha naikno kegra neu balugna mana. Nanghadi Lam ghe Kmagna re la kafe auhi ka greredire.

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Profet Isaia 51:11

Naikno teke fakarha fapulodi Lord ra, ginauna nake pulo mei Jerusalem. Eghuteuna kate pulo mare Saion, mare ginauna eha fabiꞌo balu koje naugna mare ne glealeꞌa fara. Mare ginauna theome diꞌanagnafa ba tanhi ka namono igne, naugna mare na glealeꞌa fabrahu kolho.

Thakle 22:19

Eghuteuna jame ihei te hata fadelei keha chekegna God te au ke lamnagna buka na igre, God ginauna theome snakreni mana te mala hata fablahi te chekeni ka buka igne. Mae tuana ginauna theome au ka namono blahi na nei mana ginauna na theome tangomana te hata kaisei sisi ka gaju te tusu meini u karha te theo ka gnafagna na.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.

Hibru 11:10

Mae Ebraham ofo mala tei au ka namono biꞌo teke tarabana nei hohoro teku God te kegra maku fabrahu te theo ka grofo gna.

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Profet Isaia 59:20

Lord ne cheke eghu, “Iara God mae ihei teke fakarhi ghami ghotilo igne ginauna mei Saion mala togho ghami ghotilo vikegna mae Jekop, mae iheire te figri tagrunihi puhigna nakhibo na.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Thakle 21:10

Nogna nolaghi Tharunga te Blahi na mei ka iara, eghuteuna engel na batu ghau iara ne haghe ka kaisei thogele biꞌo te tei fara kligna. Mana ne falalase ka iara namono blahi, Jerusalem, funugna ka God ne soru mei.

Thakle 7:2

Aonu iara ne filoni kaisei engel ne thakle mei ke maghati. Mana louloku kaisei glepo te mala eni fagaglana ne lilisei ka greredi nogna naikno God re. Engel igne ne eha fabiꞌo ka keha fati engel re. God neke tusu lao nolaghi ka fati engel igre mala goigonidi glose nei nhorora.

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Nodi Khoje Hatimare Mae Jiu 87:3

Ghotilo naikno te au ka namonogna God ra, ghotilo fanomho ka famane cheke igre. God na edi gloku te keli ka ghotilo!

Nodi Khoje Hatimare Mae Jiu 84:2

Iara magnahagheni fara te au jare na! Lord God, iara thono magnahagheni fara te au ke lamnagna nou Sugablahi iagho na. Iagho ngala God mae ihei te karha tifa te tifa na. Ka nakarhagu fateote'o na, iara koje naugna iara thofno glealeꞌa fara ka iagho.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Hibru 10:31

Glepo mamhaghuana tulao jame kaisei mae te kegra ka fate ke ulugna God mae te karha na.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Letas Teke Riso Tei Mae Pol Ka Khiloau Rom 11:26

Eghuteuna ka nabrou tuana, God ginauna fakarhidi gnafa naiknodi Israel gre, jateula te chekeni ka grioriso te blahi na, “Mae fakarhai te mala fakarhidi naiknore ginauna jifla mei ka hatimare mae Jiu. Mana ginauna hata fadelei puhi te diꞌa te gnafa ka vikegna mae Jekop.

Letas Teke Riso Tei Mae Pol Ka Khiloau Rom 9:26

“Eghuteuna ka kaisei namono na iara neke cheke eghu ka mare, ‘Ghotilo theome nogu naikno iara.’ Uve, ka namono tuana iara ginauna na cheke eghu ka mare, ‘Ghotilo thugu iara, God mae ihei te karha te tifa.’ ”

Matiu 5:35

Ghotilo jaola thosei nhaꞌa cheke kau nauthoglu igne, naugna nauthoglu igne mala taplagna God. Eghuteuna ghotilo thosei nhaꞌa cheke ka namono biꞌo Jerusalem, naugna nogna namono God mae King.

Profet Isaia 14:32

Jame te kuru mei mare keha mae soldia ka tahati, tahati na cheke eghu ka mare, “Lord neke vahini Jerusalem mala nodi vido keli mala poru nogna naikno teke au papara ra.”

Nodi Khoje Hatimare Mae Jiu 68:17

Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Profet Jeremaea 17:25

hatimare mae king ka vikegna mae King Devet baludi nogna mae funeire ginauna tangomana te ruma mei ka namono igne. Mare ginauna tangomana te saghe te mei ka hose nei ka chariot. Iheire te au Jerusalem nei ka keha vido Juda teu igre ginauna tangomana te mei baludi mare na. Eghuteuna namono biꞌo Jerusalem igne ginauna fodu fabrahu ka naikno.

Efesus 2:19

Eghume ghotilo iheire te theome Jiura, ghotilo theome jateula naikno te posa mei ka namono delei eghu. Theo. Ghotilo gognaro na kaisei vike baludi nogna naikno God, nei tharaknagna mana.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.